風中飛鸚

當時因為場地非常混亂~滿地垃圾~已經堆積如山~升降車又因為安全關係~要等清場先可以駛進場~但如果升降車一超過12點又要計錢~(仲唔知點計~因為從未計過)有會員提出報警~希望拖延時間~(我相反覺得要快)

我向工作人員表示~我們有的是人手~只要你願意將升降車進場~我們全體在場會員~會負責幫你開路~保證升降車前路無阻~非常安全~
工作人員明白我地唔係咁易放棄~迫於應承~

在沒有掃把之下~一大班人就只有徒手將垃圾推開~冇人理會垃圾有幾污穢~(因為好多飯盒已經發出臭味)~終於好不容易開出一條車路~場面令人感動~
(連同其他冇養寵物的工作人員都感動)

昨晚情形~唔可以再拖~越拖得耐~越難捉到~所以我提議直截了當~剷到最近隻雀身邊~捉唔到就再開一條新路~俾升降車追隻雀~唔好俾隻雀有機會休息~結果兩次就捉到啦~

第一次主人手拿到鸚鵡~甩手再飛走~全場之失落~好像跌落萬呎深谷~我立即呼籲各人~盡快清理跑道~令升降車即時隨行~當時全人類根本不分你我~落手落腳~
跑道好快就清理好~升降車立即開動~

當再一次最接近隻鸚鵡時~我就要求而地面人員靜下來~(根本冇權)俾主人大叫佢名字~令鸚鵡清楚聽到主人聲音之餘~又冇咁驚~最感動係一班趕時間收工師傅~起初係個個急手急腳拆場~希望盡快完工~結果係全部~一齊停手~屏息靜氣~大家彷彿連呼吸都暫停下來~
直到當捉到的一殺那~全場歡呼~聲音震滿整個場館~掌聲雷動~我立時毛骨悚然~呢份成功感覺~使命感覺~遠比金錢要大~

有位廣告公司清拆人員問我~隻雀好貴架?我答:在主人心目中係無價~佢都讚揚我地咁多人咁齊心~
好感動~一班人無私~唔係對人~全部一心為鸚鵡~佢都話令佢留下深刻印象~

風中飛鸚

其實我昨晚約左朋友九龍食飯~我提出留低~後來食完都係回頭幫手~

有朋友問:你幫唔到D乜~我話一份支持~對走失家人的事主~好大幫助~比起單獨面對好得多~

我在其中只是一個精神中心點~安撫其他人~也可以推動大家合力去做~所以我想回去有幫助~

風中飛鸚

呢個會的成員都很有情意，主席應記一功
Sion 發表於 2013-2-4 13:02

我先係最唔應該記一功~其他會員~完全無私付出時間~最值得表揚~
我做事瀉膊~沽名釣譽就行頭~最無資格受讚揚~(不過大家知就好啦~唔好四維唱~我係其他外人心中~都扮到係一個好主席黎架)

風中飛鸚

唉！真諷刺！成世人好怕麻煩到其他人，點知偏偏就帶俾人最多麻煩！
ngkare 發表於 2013-2-5 21:49

麻煩唔係你帶出黎~最緊要冇事捉得番就得啦~其他話之佢~