風中飛鸚

如果養魚最叻係大學生~你是幼稚園低班~我們是小學一年班~

你的問題存在好多變數~
1是養什麼類型魚?(條數多嗎?)
2是用什麼類型濾水器?
3用什麼濾材?
4用什麼飼料?
5幾大個缸?

風中飛鸚

我用最簡單答你~

你餵得太多糧啦~

風中飛鸚

點解唔清~因為你個缸的整個循環系統出左問題~(我的解答是最平價最正路~街坊答你就要用五十萬先買到一塊綿花~)

你從頭做過啦~濾水器用生物環是正確~你可以在最早接觸到水的位置~先放綿~水經過綿先到其他材料~以後只換綿~其他材料不動~

你得三條琵琶咁大把~一星期先餵一次~每次是你以往每日餵的十份一就夠啦~
因為你以往餵得太過量~魚有得食就食~食得多呵得多~
你照我方法做~水唔清番黎搵我~~

風中飛鸚

一般只用棉都夠 如果覺得臭就加活性炭
其他乜石乜石果d野可以唔洗落
棉已經有好多位俾硝化細菌'住'
加埋底沙就更多位
但換水時記得要潑下底沙
等d污糟野出返水黎
如果唔係日子久了
會突然爆菌全軍覆沒o.o ...
yimaggie 發表於 2011-10-29 08:05

如果整個濾水系統做得好~都唔係咁容易反水~

風中飛鸚

要水質穩定先要條件係魚少~屎少~
如果比例一多~相對濾水器就要夠大~速度相對又要快~我一個缸得幾條魚毛~一個月先一粒魚糧~屎都冇得食~邊有力整壞缸水丫~

風中飛鸚

我唔洗睇晒養鳥新丁D字~都知道新丁錯左D乜~
又一個死學的好例子~等我同大家再分享~~錯左唔好打面~因為我依靠塊面搵食~

新丁所答~是一般正確做法~已經有小學3年班程度~也犯下養動物的最基本~
我可以講新丁~資料99%正確~只是忘記最重要一點~
缸內只是三條琵琶~我當然識得叫佢買900元磅生物環~七千幾元一個濾桶~三萬幾元濾材~

琵琶以食屎為主~呵飯為生~有個掛濾已經好高級~而樓主只養三條琵琶都可以養咁耐~証明情有獨中~
所以唔需要咁正統做法~只要食少D就得啦~

風中飛鸚

等於養條紅龍同養條山坑魚~點解紅龍要靚D水丫?可能山坑魚對水質要求高過紅龍~
大家只用銀碼計數~紅龍貴過山坑魚~所以要有好濾材~
其中琵琶就是對水質要求比較低的一種魚~有水已經得啦~酸鹼度直頭係多餘~
最後結論~以往你餵得太飽~掛濾負荷唔到~只要餵得少就冇事~