風中飛鸚

我親眼見到~心心明白乜野叫"生不如死"

風中飛鸚

全交於主安排~只希望弟兄免受皮肉痛苦~

風中飛鸚

可能肝臟影響~全身鮮黃色~成隻比加超咁~

風中飛鸚

昨天又做手術~切除壞死組織~

風中飛鸚

報告最新消息~
楊志偉弟兄~今日出院~雖然每日要繼續進出醫院~對一個長期在醫院人士~係一個極好消息~
家人也託我多謝鸚鵡樹各會員代禱~~
如果志偉再出現教會~再次坐於我身邊~相信我會感動落淚~

風中飛鸚

志偉弟兄醫院房間~剛好在床上可以看見遠處有坐建築物頂~有個大十字架~整個醫療過程中~非常有鼓勵作用~

風中飛鸚

唔知點解~楊志偉性格變得好惡~對老婆~囡囡都呼呼喝喝~

俾我感覺係:你地快D走~唔好行近我~快D搵過一個人嫁~跟過第二個男人~所有人快走~唔好理我~我唔需要人關心~

好似希望家人離佢而去咁~

風中飛鸚

昨天終於在教會見到楊志偉~佢本身好似我咁肥~現在好似街坊咁瘦~
老左15年左右~

風中飛鸚

已經番教會啦~當然未似正常人咁啦~唔可以坐太耐~(有機會照張相大家睇~)

風中飛鸚

楊志偉終於回教會~
在星期五團契(主題:數算主恩)內~分享感恩見証~
當日團契弟兄姊妹差不多番齊~好耐未試過咁誇張~大家都想聽下楊志偉個心點諗~
一次咁大意外~咁短時間可以好番~實在奇蹟~

(楊志偉本來係一個大肥佬~今次意外~又正因為佢太肥~先救佢一命~脂肪幫佢阻去大量爆炸力~)

風中飛鸚

緊急消息~智偉出事到現在已經整整兩年~原來病假最長只可以兩年~但智偉未有工作能力~怕跟住落黎沒有人工~而醫院只簽佢"輕工作"(我都唔明)

現在問題出現左~智偉只是奇蹟生存~傷勢好重~兩年前應該死左~咁都唔死~就需要兩年以上的病假~但政策偏偏最長得兩年~

請問有冇熟悉勞工法律的朋友~可以問下?

風中飛鸚

志偉剛來電：
他已與教會姊妹提供勞工處的李小姐通話，她很客觀地分析說不要跟公司的關係變差及輕言訴訟(因為已過了兩年有薪病假，而這次病假是沒有薪金的，除非經過法庭判決)。現在他手上有一張由醫生簽發的“輕工工作”的証明，明天他會打電回公司要求復工，看看公司有何安排及自己能否應付。傾談後他的心情也平靜下來。今天他到醫院已申請經由職業治療師簽法的“不能工作”証明。
請為志偉工作的事情禱告，

風中飛鸚

其實當初冇諗過執番條命架~根本冇可能生存~當時醫生話傷口唔可以感染~要非常清潔~一感染就大件事~
但傷口內的生鏽鐵碎~兩年都不停跌出黎~直到最近先癒合~
當時鐵管內充滿油污~打入身體~有乜可能冇感染丫~諗住生存幾多日姐~點諗到唔死丫~
衣家唔死問題就出現啦~