風中飛鸚

因為怕樓主唔明白我意思~我們在這公開討論分享~

好簡單~隻雀百病纏身~病入膏肓~又唔容許睇醫生~我們只有自己解決~如果現在食什麼傷風藥或抗生素也好~
隻雀必定捱唔過~仲死得快~雞尾身體有九百幾個病~先對付最至命~
現在隻雞尾又唔食野~我只想保存佢多幾日命~唯有先用最易入口~最能補充的葡萄糖水~
保持平穩溫度~安定環境~希望駁長幾日命先想辦法解決~
所以只要捱得過明天~就可以買奶粉餵食~
道理好簡單~駁長條命見步可以行步~如果急進立即落藥或強行餵硬糧~仲死得快~

風中飛鸚

我第一時間了解~佢因為家人必定要開冷氣~而家中所有地方都會有冷氣~無法避免~而發到熱裝置就只得暖爐~又冇可能開大冷氣吹住個暖爐~所以病重雞尾無可奈何要嘆冷氣~
導致百病纏身下~再加多一項傷風~
其實一百個病同一百零一個病~到現在關係已經唔大~只係難為左身上條虫~

風中飛鸚

剛剛在公司~找到奶粉~可惜過期~

風中飛鸚

樓上都有會員話有奶粉提供俾你丫~你要主動聯絡人先得架~你唔好諗住等人送去你門口~
你係主人~要救雀就要花功夫~唔係對住個電腦救助~隻雀就會好番~
你俾我感覺就係~最好有位會員係獸醫~去你屋企幫你~

你怕買奶粉隻雀唔食~就係風險之一~你自己要想辦法~

風中飛鸚

H奶粉~0日幼鳥及病鳥奶粉~易消化~營養高~230元細包~在鸚鵡店或沙田大圍積信街有售~土瓜環就唔清楚有冇~但唔一定要買E隻~只係你的情形買E隻比較好~如果買唔到~任何一隻牌子鸚鵡奶粉都可以~(當然越細包越平越好~)
現在隻鸚鵡願意吞乜野落肚都好啦~食乜糧,有冇營養都唔緊要~只要佢肯食~
明早或今晚餵奶粉~等佢穩定落黎~先考慮101個病~醫邊個先~

風中飛鸚

幾時有奶粉就立即餵啦~

風中飛鸚

最慘係佢又另外有D朋友識養鸚鵡~九百幾個方案~我係最怕~唔知跟邊個講~~
萬一死左就入晒我~

風中飛鸚

剛剛從鬼門關回家~你即刻要佢表演空中飛人~係都得佢三魂七魄番晒黎先啦~

風中飛鸚

有時睇醫生你最好~但你的情況~如果第一天去睇醫生~一落藥佢又未必頂到~現在靠佢自己體內抗病機能去打贏病魔係最好~將來會更強壯~
所以葡萄糖水吊長兩日命係有好處~