風中飛鸚

20至27,又唔熱又唔冷,幾適合香港丫

風中飛鸚

我已經出盡辦法~小蜜已經唔再大~開始減磅~即係話我的方法是錯~現在開始慢慢會死啦~
因為我冇法提供佢需要食物~我已經好小心照顧~用盡我所有智識~堅持到3個月~終於唔得啦~
體重未達到成體已經減輕~係好明顯營養不良現象~經驗所得~一兩星期內會明顯轉壞,或會死~
請大家幫忙問下身邊的人~有沒有朋友養小蜜~應該提供什麼食物~(我已經照足網上提供食物~但他不吃)

風中飛鸚

外國網站~訂到貨都死左啦~
香港果個網~搵唔到丫~請為人為到底~幫我搵到果頁丫~(全世界都知我係電腦盲)
最好係香港~我自己去買都得~因為已經非常急啦~越來越輕~我估計最多維持1/2星期~

風中飛鸚

開始時食虫,現在唔食,餵過麥皮虫同蟀毛,現在什麼都唔食,只是食小小蘋果,
我已經盡晒力,乜都試下放入去,今天早上放過"馬仔"可能有麥芽糖關係,又食小小呀!

我試過蕉/龜糧/雀糧/貓糧/狗糧/倉鼠糧/瓜子/嬰兒菜/乾果/馬仔/綿花糖/串串粟/杏仁/合桃/花生/餅乾/蛋糕/
總之諗得到都試過,

現在急需要求食譜,請大家幫忙在網上尋找.要是有電話或地址,我情願親身去買,唔可以等郵寄啦,

風中飛鸚

我去過一萬七千個網站,資料都係學術到不得了,完全冇用,(似我,得個名,冇料到)
舉例"香港蜜袋鼯國際食物大全,維他命要豐富,蛋白質50%,鈣質要20%鐵質20%)
鬼唔知亞媽係女人咪,實牙實齒講食乜好過啦,冇一個網站講食乜,

風中飛鸚

網上D友仔都唔知有冇養,我越來越覺得全世界真係可能得我一隻.冇理由全世界冇人知道食乜架,
我已經好夠膽餓佢啦,不過一路係咁輕,又唔食野,唔係辦法,
有人提供煲蛋白,我都試過,又唔得,但明顯見佢肚餓,四維搵野食,但最冇理由係起初食,現在唔食架,
如果起初食,即係話佢食啦,咁都餓死都算底死啦,我咁幫佢都人至義盡啦,由得蜜袋鼯絕種啦

風中飛鸚

1)mavisweet個網最多資料~

2)50克以下動物,去搵獸醫都冇乜用~(等於囉隻蜜蜂去睇獸醫~)

3)先試強行用針筒定時定量灌食~

4)去睇獸醫用3幾千元救得番都仲有得講.50克以下動物,獸醫都係博博下,博到你好彩!

5)大家請放心~我養得佢,就會俾最適當照顧~佢條命係我手~我唔會咁易放棄~

風中飛鸚

請問他們提及的"優格"是什麼食物~?

風中飛鸚

係咪有d醫生唔睇小蜜?要專門醫生?

風中飛鸚

佢唔係突然唔食野~係由第一日回家已經唔喜歡食野~開頭仲要跟亞sam果隻學食~我一直唔擔心~因為只係磅數問題~只要保持增長或保持現象~就不用擔心~最怕係下跌~
由開始到現在~都找尋不同食物引誘佢食~

風中飛鸚

本身我落左鈣粉俾d麥皮虫~可惜佢最近唔食麥皮虫~但我發現只要我用手餵~佢就會食~
即係話衰格~散嬌丫~要我用手囉住~在我手中進食~咁串寵物~都由得佢死啦~!

風中飛鸚

曾經自己食麥皮虫~現在要用手揸俾佢食~唔死都冇用~

風中飛鸚

1我全日走訪左好多爬虫店取經.
2我用最聰明智慧~找出解決方法~可以同大家分享~
我一直將麥皮虫~"蜥"蟀/蘋果/嬰兒菜/乾果/清水/每天放在籠內~
點知去到54克之後~1個月沒有再增長~更慢慢下跌~也不願進食~
(因為人聰明!所以想到以下方法)
我只是將食物分配開~不要一次將所有食物放在籠內~小蜜是夜行動物~所以我將虫類在晚間放入籠~
鮮果及其他雜食在早上放~而將雜食分開每天不同~小蜜覺得有新鮮感~已經開始進食~
另外"搭破鐵鞋無覓處~得來全不費功夫"
完來佢最喜歡食物~一直放在我家~難怪也會次出籠~都感到他在四處尋找~
我一直有放葵花瓜子在籠內給他~但他一直都沒有吃~直到我將葵花瓜子咬開~露出瓜子肉~
小蜜吃過~如獲至寶,第二朝早就會自己破開黎食啦~仲食到好開心~反晒肚黎食~由二樓食到跌落地下~
我今天立即出雀街~將雀街所有不同類型瓜子都買一包回家(小蜜唔食都有大把鸚鵡食~)
果然一種白色果仁~中左!!呀~小蜜又食得好開心~
再加上我在爬虫店買到d爬虫樹汁果凍~(曾經網上見過蜜袋會食樹汁)一試又成功~
另外我將蘋果改一改~變成香梨~又成功~!!!!平時蘋果每晚只吃表面一丁多~(鼻屎咁多多)
現在將一角香梨全吃光~只留下薄薄的皮~
經過幾天反覆測試~得出結果~

國際蜜袋鼯香港分會總華裔研究部誇國指揮太空登陸主席提出
1點樣好食0既食物~都要日日轉換~不能連續食幾天~
2不能一次過放太多數量食物進籠內!
3營養補品只需要給虫吃好了~
4有殼食物~要先幫忙打開一次,

風中飛鸚

今次小蜜經過生關死結~終於逃出生天~好多謝大家連日幫忙~非常感動~
見到小蜜今晚食得好開心~我明晚影相大家睇!~真係食得好幸福~好耐冇試過啦~多謝晒大家

風中飛鸚

其實我除左帶隻狗去打針,從未去過獸醫診所,都好驚架,
佢初期回家都已經唔食野啦,當時仲驚啦,不過都過左幾個月,冇理由咁先黎死架,又有亞sam作前科.都有考慮過是否缺乏任何一種要素架,現在過左關,又開始百厭啦,
所以有時要定d黎,亂晒陣腳只有作出更壞選擇.
停左幾餐麥皮虫,如果再放麥皮虫,而佢又再食番,証明我估得對.

風中飛鸚

主席無得頂
Cozzy 發表於 2010-2-8 13:06

錯!!!   係國際蜜袋鼯香港分會總華裔研究部誇國指揮太空登陸主席!
現在是國際蜜袋鼯厭食症研究會,註香港總辦事處主席暨美國太空總署蜜袋鼯升空登月計畫總幹事,
大家只需要每年50元,就可以成為,
鸚鵡樹之其他寵物區內國際蜜袋鼯厭食症研究會,註香港總辦事處暨美國太空總署蜜袋鼯升空登月計畫總會會員,
印0吉片都要加長張紙先夠位,

風中飛鸚

哈哈!~當初作到個名咁都係有原因~估唔到咁快去到第七頁姐~

風中飛鸚

因為有人問國際蜜袋鼯厭食症研究會,註香港總辦事處暨美國太空總署蜜袋鼯升空登月計畫總會主席
乜野叫蜜袋鼯~
所以我國際蜜袋鼯厭食症研究會,註香港總辦事處暨美國太空總署蜜袋鼯升空登月計畫總會主席就搵番個舊POST上黎~

風中飛鸚

唔好問~E個名已經最短~