風中飛鸚

飛鸚已經出發幫手找.

有無會員有時間幫手呀?!!!!
(啤梨)

風中飛鸚

三角仙 已加入了拯救隊 幫手搜索

風中飛鸚

真係太長編~請大家忍耐~要分段將曲折過程說出~

我都唔知道應該開心定傷心~找尋失雀無數~迷你金剛都唔只第一次~

去到現場就知道99%搵唔到~不過都盡力將我所有經驗講出黎~(相信搵雀我都算好多啦)

一知道樓主層數在25樓~飛出方向後~立即用地圖估計飛行路線~找出黃金第一落點~

要求分組搜索~將樓主兩位分在黃金第一線~當時我有兩個望遠鏡~於是留下給他們~叫佢地情願搵慢

d都要仔細d搵~

我當然以經驗估計,迷金會飛得更遠~於是以每百米下降4米的落差,估計另一落點~

我獨自一人,步行估計落點,(其實地點已經好準)

然後找一坐看得最清楚的大廈~走上頂樓~獨自一人在頂樓~將24c伸出(其實冇作用)

心理上好似可以吸引到佢隻迷金~約5分鐘~

3隻白鴿在盤旋~我忽然發現其中一隻雙翼參差~飛得好踢腳~(以下一定要口語化表達先全神)

我當然睇到實~當第一圈飛近時~我有50%覺得是鸚鵡~開心到飛起~又好緊張~大家咁心急想搵既野~

就在我身邊,當時心情,無法形容~心諗:咁都俾我搵到~

對眼冇離開過隻雀~時間一秘一秘過去~就算佢飛遠~我在遠處都可以80%確定是迷你金剛~

當第二圈飛近~我100%,係200%確定係迷你金剛~(我點知唔識分迷你金剛同白鴿丫~

我一隻手上有24c~又怕24c跌出街~想囉相機影~又想打電話通知樓主~

(我真係怕冇左d字~所以先post出黎~即時再打,大家等一等)

風中飛鸚

單手24c,單手打電話~.都怕電話跌落街架~但心裡叫自己冷靜~

當第三圈飛近時~離開我只有頂多10多呎~(吐篤口水都可以吐中佢)大家話幾近~

可惜是在20樓的空中~當時覺得隻鸚鵡係見到我~最慘我連佢個名都未問~想叫下佢都唔得~

我本想拍攝~不過我覺得~黃金機會~雙眼不要離開鸚鵡~乜都唔好做~

我既最後一眼~可能幫到樓主~於是繼續望~e次佢唔夠力再轉圈~

(當時一個圈有兩個足球場咁大~)見佢想降落~但又唔識~(心想,快d撞牆啦~)因為就算停係乜位置~我都可以

通知樓主~(見一眼都好丫)點知佢就係兩坐大廈中間飛去~(最衰的後果)

我即時打電話樓主~通知佢行出村~在電話中~我指揮佢點行~通知佢~我在頂樓~會伸出手~我的手會移動~

要求向我移動方向的兩座大廈中間走去~我會留在原位十分鐘~以免鸚鵡再次起飛~

(其實唔會再起飛~因為家養鸚鵡只有好短氣力飛行)

風中飛鸚

其實見到隻鸚鵡~都唔知係好定唔好~後來諗深一層~係好事既~起碼搜索範圍就細左99.9%,

通知管理處都係一座就得啦~100%飛左入屋~(因為外牆已經仔細每一個角落都睇晒)

風中飛鸚

唔開心既係終於都搵唔到~我好有強烈感覺~樓主係可以搵得番~

每次搵雀~我都有種怪感覺~今次更明顯~當年onon隻雀~看似巧合~佢隻雀就飛到我身邊~

今次在迷你金飛到最近一次~我明顯感到佢望我~

最慘係我今晚冇可能訓得著~冇可能忘記佢既眼神~係有望到我~

值得安慰既係~佢好大機會飛左入屋啦~仲係果座大廈添~起碼今晚唔洗訓街~冇咁危險~

風中飛鸚

樓主男友感激我們幫忙~我說下次另外有人不幸走雀~你有時間都去幫手就得啦~三角仙就係好例子~

風中飛鸚

24c 是我隻迷你金呀!

風中飛鸚

腦海不斷重複當時迷你金轉圈飛行的景象~今天好多野做~但個腦都係咁諗住當時,
真係只差好小咋~已經飛到我身邊好近~我好唔明白一點~點解要飛近我?假設是巧合~我覺得比中六合彩頭獎難度更高~天大地大~我在其中一坐大廈頂的一點~為何飛近我~
如果不是巧合~我和普通市民有什麼分別?是因為我手上有24c>?我昨晚訓唔到~
好多問號~點解點解點解~???

在天空中~我只佔一豆點~為何樓主的迷你金~會在天大地大環境~飛到我身邊咁近~?為何不降落在我可以目到的地方~?為何要轉一個彎~?為何轉彎後要飛入屋?
如果轉彎後,不入屋~我們都可以從另一大廈用望遠鏡見到~

大家好難明白我心情~不會比樓主好過~指呎之間就可以找到~真係好唔開心~
如果樓主能找回迷你金剛~一定要去見迷你金一次~

風中飛鸚

以遊覽人數鸚鵡樹在鸚鵡網已經算最多啦,但唔好理咁多,有一線希望都好.都唔好放過每一個機會,

風中飛鸚

範圍已經收窄到一座大廈,比一般走雀已經好好多,都有咁多困難,所以大家唔可以走雀,真係好難搵架,

風中飛鸚

每次見到樓主回覆,都會入黎睇下~係咪有好消息~
走失鸚鵡如同失左銀包~有人歸還機會好細~(又唔係完全冇機會,只係好細好細~)所以一定要小心

風中飛鸚

你下次先囉多d資料,唔好踢爆佢,怕有時係真料,你又太難為佢,放出窗就算啦,

例如我同你拾到,知道電話號碼有人失雀.打電話去問下,點知又要問我咁多,我都唔知乜野叫腳圈,原來咁多手續要問.費事攪咁多,放走佢就算.

因為養鳥是有愛心人,拾鳥未必需要愛心,耐性,你問多句我都放鬼走好過啦,
如果你怕有危險,你可以叫我一起去認回迷你金剛,(不能錯過任何一個機會)

風中飛鸚

冇可能飛咁遠丫嗎~剪左翼架~如果飛到出尖沙咀都要幾日~

風中飛鸚

up

風中飛鸚

up

風中飛鸚

升