風中飛鸚

有人就話觀賞魚是合法帶回香港~可以大遙大擺咁過關~

風中飛鸚

我舅仔話~金魚用透明袋~一樣照過~從未有人提出唔準帶過關~所以佢一直番大陸買魚~我問過好多次~佢死口都話合法~可以帶~

另外我識得個亞嬸~帶橙上大陸~關員要扣留幾個橙~佢即場踩爛~
又有人將電鑽拆開兩半~兩公婆各人分開帶半支~諗住關員扣黎冇用~點知關員照樣扣半支~

風中飛鸚

過關真係有好多趣事~
好多年前香港已經唔準燒爆竹~當時我舅仔得幾歲~將大量爆竹維住個身包住過關落黎~(如果有人係佢身邊食煙就pk)
另外有位朋友~好多年前用花樽帶隻唔知什麼動物~當時關員見樽口有報紙~囉開見到有隻野在叫~即時插番報紙~叫亞伯快走~
多年前同朋友番大陸~佢未番過~我叫佢幫我囉張地毯(3m門口地毯)卷成一圈~我同佢各囉一卷~關員要求佢入房檢查~(又冇叫查我)~嚇到佢半死~佢話如果係毒品~真係害死~
去泰國渡蜜月七日~識到一d團友~回程有位要求大家幫忙~帶幾個袋過關~因為買了幾個名牌袋~怕過關有問題~各人都願意幫助~唯獨我一句~我們老友鬼鬼~但此終識左七日~如果成袋白粉~咁就死~各人即時俾番個袋佢~

風中飛鸚

可唔可以用針筒注射d屎在橙入面?

風中飛鸚

花粟鼠香港都有得賣∼又唔貴∼點解要犯法冒險呢？
最慘香港都係有限錢∼咁先死丫∼罪名就大∼事件就細∼咁樣罰幾萬就真係唔值啦∼

風中飛鸚

125# 風中飛鸚


2隻公仔咋MA
邊敢以身試法呢
zero322 發表於 2011-8-15 11:40

咁你又唔洗咁驚∼過左海就神仙∼兩隻咁既鼠∼冇人追索番轉頭去拉你∼不過下次唔好啦∼

風中飛鸚

帶隻長頸鹿∼咁就化算啦∼

風中飛鸚

主席! 你缸水太深了, 2頭龜本身行動不便要小心游唔反上水面石頭. 而且鑽紋龜會咬龜, 我之前有2隻一起養, 但有一隻被咬到無尾升仙了!
大M 發表於 2011-8-15 22:06

你唔好檔我流既先得架~雙頭龜是另外用盒養~龜缸是養正常龜~
(好耐冇見你啦大M~)


雙頭龜或連體龜~因為天生異品~會有不能反轉身體的特性~所以我們要想辦法不能令他反轉~
而飼養的器皿也不能太大~要剛剛好~
另外雙頭龜更有V字喉嚨的特殊情況~食物會由兩個頭進入~容易卡在V字口~以至窒息~所以龜糧要細粒~淋身~及數量少~而缸都係要細~不能太多事物要兩個腦去決定~
而連體龜仲麻煩~好多高手話極難養~因為兩邊龜殼日久會爭位生長~強壯的一方會生長快~令至兩龜殼不能同時生長而迫爆另一邊~連體龜就係一邊死~另一邊就死~
所以要確保食得少~及兩邊一樣~正因為難度高~又可遇不可求~所以我更有興趣~

風中飛鸚

LOUIS一向只養極品~

風中飛鸚

LOUIS養得~都非常有觀賞價值~

風中飛鸚

果日見條細路~囉隻唔知乜野龜~全黑色白班點~賣2000元~

風中飛鸚

因為千奇百趣播出雙頭龜後~現在市面雙頭龜升價百倍~好彩我有幸節目未出街之前入了四隻~
現在好多人出價收龜~不過我唔賣~

風中飛鸚

一般都唔會買啦~除非平到亞媽唔認得~可惜冇可能~

風中飛鸚

每日浦龜網~發覺一樣野~龜網同鸚鵡網一樣~D人分開晒~(以價錢分類主人)

其實養得隻寵物好~就係自己既無價寶~既然係無價寶~仲點有平貴分呢?

轉述一個極自卑主人對話~
首先我第一句~真係無心得罪人~只係唔知背後有人~

我:唔明D人點解咁欣賞草龜~任何一個角度睇~都冇乜野好欣賞~今天在旺角~見到一隻廣東草龜~要16000元~最衰自己唔識分真定假~(廣東草龜等於我們的紫藍金剛)但個肚有花紋~好鬼靚~

自卑主人:欣賞動物唔一定要貴價~普通草龜都好值得欣賞~如果我要買一隻廣東草龜~我就唔洗理真定假~最重要自己喜歡~真假有什麼關係~

我:咁16萬賣隻你欣賞既巴西龜俾你都得啦???理論上就係~但都要睇番市場價值~唔係欣賞就得既~

自卑主人:我選擇龜是眼緣~有緣就在眾龜中~選擇一隻有缺憾既都得~

我:在老闆口中~你是很會欣賞事物的人~在老闆眼中~你是一個好老襯~
自卑主人:我唔喜歡既就唔欣賞~你問下老闆~我從未問過金錢龜幾錢隻~就知道我唔係向錢看~

我心在想:你冇錢就當然冇問啦~老闆話送隻俾你~睇你欣唔欣賞~為免打交~都係唔好再博佢~(我見血會暈架)

風中飛鸚

現在市場已經瘋狂~國內熱炒的龜~分分鐘升價百倍千倍~
有雀友曾經送我金線龜200元~我養死左~現在6000元至12000元~
金錢龜在裕華國貨500元一隻~現在70000至300000~
廣東草龜在街邊50元~現在只計算龜苗16000至20000~大龜已經冇價錢~
日本石金錢~幾年前300元~現在1500至5000元~
普通石金錢~幾年前完全唔值錢~現在500至3000~
你話係咪瘋狂丫~

風中飛鸚

香港是旦丸之地~只要中國炒~所有野都起~

風中飛鸚

近日都有四維留意"龜"的網站~我自己係一個新人~發現好多新人問問題~同鸚鵡新人問題好似~

我問既問題~只環繞品種/等學術性問題~其他好多人都問呵爛屎丫甩皮甩骨問題~
在其他地方~我是一個極新人~唔好意思開聲~大家買動物~都會一時之氣~見到就買~當然回家好多手尾跟啦~

我在完全沒有人教路~未上網爬文之前的飼養方法~(到後來証實大部份撞中左)
初回家又係一個新環境~我所採取就係停止餵食一星期~極淺水~日夜分明~有日光晒~(晒雀時順便)
一開始餵食就用少食多餐~以半飽去渡過頭一個月~
現在開始爬文~吸取日後最佳養殖方法~

風中飛鸚

鑽紋龜都能夠養得死~證明你都有D實力~

風中飛鸚

鑽紋係好粗生~同巴西龜差不多~