agnes283

其實個日我都係剛剛返到屋企, 正當我準備做家務時, 突然接到Simon電話, 話garu仔飛走左, 而背後就只聽到一把喊得好悽厲既聲音, 就係Simon媽咪, 於是我立刻放下手頭上既野, 用最快速度放少少糧比D鸚鵡食, 因為個朝一早去左陪媽咪飲茶, 所以個糧杯係冇雀糧.  
跟住我就急步走去搭的士, 希望爭取時間去到現場, 但當時個心情就好似自己唔見左隻雀一橡, 因為有一段時間幫Simon照顧過garu仔, 我同Simon既養法一樣, 如果我係屋企, 我就會放晒D雀出黎, 所以garu仔係我屋企都係咁, 佢好懂性, 佢好似知道我係會照顧佢, 所以每次佢都會飛黎我個度, 而唔會飛去我家裹其他成員, 而我隻灰鸚又會成日叫住garu garu, 所以當時個心都沈左落去.

agnes283

其實當時去到屋苑附近, 我就開始留意D樹上有冇garu仔D踪影, 點知行到屋苑前面已經見到有幾個路人甲係咁向上望, 心諗一定係見到garu仔, 跟住再問D實Q佢哋話見到隻雀, 當時見到阿Sam佢指比我睇garu個位置, 見到之後心情先至稍為放鬆, 跟住Mavis上埋去引到garu仔飛過去先至放下心頭大石.  不過見到Simon媽咪為咗隻雀有點近乎失控, 我個心都好痛, 相信只有我哋養過雀嘅人先至會明白, 其他人可能已經話我哋係傻嘅.
其實順帶一提就係個度D實Q都好好, 不停問我哋需要乜嘢就開聲, 好肯幫手, 佢哋完全冇歧視D鸚鵡, 實在難得!更重要就當然係Empire同Carol, Sam, 因為佢哋放低晒手頭上嘅嘢趕嚟, 即時發揮互相幫忙嘅精神!