mavisweet

雀仔磨咀發出類似"指甲括黑板"聲係正常既~係雀仔放鬆既表現~

佢岩岩到你屋企,可能人生路不熟,因為緊張而食小左野都好正常~
照前輩講新雀番屋企比佢休息番至少一星期會好D~

同埋,你買左邊隻合成糧比佢食?
如果怕佢食唔飽,可以將合成糧打碎成粉狀,加小小暖水當糊仔咁餵佢食~
餵完就即刻洗~就算食唔曬都唔好留,因為好易有菌~

要小心佢磨鐵籠既鐵枝，有可能會慢成中毒~
試下比多D玩具佢玩分散佢注意力啦~

mavisweet

其實玫瑰葵花普遍黎講都係幾為食既~
我隻ENVY仔買左番去都係食唔停口~
不過一開始佢都好驚陌生既野,如匙,新鮮生果等...
所以要慢慢比佢適應~

我個時頭一星期用手係籠外面逐粒逐粒餵佢食RoudyBush~
到後期慢慢佢就識好似百力枝咁自己拎住食~仲食得好乾淨~
再之後可以慢慢比佢接觸針筒同匙更,得閒就用黎餵下佢飲水,或者糊仔都得~
而新鮮生果可以係佢食每一餐之前,得閒你食既時候又餵少少比佢,
佢見你食得好滋味,佢自自然就會好奇想過黎食埋一份~

用手餵既好處係可以同佢建立感情之餘,又可以數住佢一餐大概食幾多糧~

合成糧方面,個人建議你轉番無色素既合成糧如:Harrison,RoudyBush等
因為有顏色既糧會影響便便顏色令你難以分辨佢有無病不特只,
D糧整左落D水到又會變色同好易發臭~同埋好難開糊仔~

P.S. 鸚鵡可以食咩水果,邊款合成糧好,都可以爬文~

mavisweet

bb奶粉係邊到買??咩牌子?

開奶粉可以熱D,大概38度,用手試摸落去覺得熱就差唔多~

mavisweet

奶粉要開暖D~鸚鵡BB天生偏好食熱野,因為似媽媽反芻既食物~

試下先用熱水搞均先~再加凍水至杰杰地~
餵個時用熱滾水坐住佢,等佢溫度唔好降低,試下佢肯唔肯食~

我個隻之前都係試下試下唔食糊仔~但用左哩個方法D糊仔一夠暖就即刻追住黎食~

而家見我拎個兜同匙出黎都非常興奮~得閒我都會餵下佢食糊仔~

mavisweet

當然唔係話滾水咁熱啦~因為都怕太熱會整傷佢~

我自己會用匙"不"小小係手背度試溫度~大概覺得熱熱地又未到辣手就差唔多~