makko

我之前見人話新養返黎要日日拎佢出黎反黎反去0.0....先會跟人?
咁拎佢出黎...反黎反去...點樣避免俾佢咬- -?
yimaggie 發表於 2011-10-30 13:18

其實應該係話掂多d摸多d佢, 而唔係反黎反去, 掂到摸到讚下佢, 同埋比d佢鍾意食既野佢, 咁就無咁抗拒~

其實養得鸚鵡, 都係預左比佢咬既心態好d, 咁反而佢唔會用到呢樣野黎要脅你, 當然佢咬到流血要say no

makko

佢野野都來真的....野野都插入肉先肯放口....野野都好深= =....
掂到摸到讚下佢, 同埋比d佢鍾意食既野佢...有丫...到佢唔鐘意時連食都唔要=_=.....................
yimaggie 發表於 2011-10-30 21:14

你既糧兜會唔會長期有食物? 如果只係早晚先有野食, 同食飯時間只有30mins, 佢應該會想食野, 而唔會唔鍾意食

同埋下面都有講, 你都可以參考下
http://www.youtube.com/watch?v=71t04mnHqKw

makko

我將你嗰句搬返過黎你個帖先:
其實而家可以開住門直接用手餵 有時我會要佢地用咀掂我手指一下先有得食 佢地都會肯 但同一動作做多幾次就會見佢地開始停..諗諗...之後先決定做or唔做....我已經係用串串栗...試過用平時餵龍貓果d葵花瓜子..唔要= =.....再伸手就會意圖咬.......

你會唔會一次訓練得太密? 所以
1.佢食飽左,
2.同一動作做太多, 人都會覺得厭

試下同佢隔住個籠, 叫佢黎籠邊扮比零食佢, 到佢想食野時, 即時用第二隻手指掂一掂佢個咀先, 然之後讚佢(good/good boy之類, 口號一用開就唔好轉), 才比佢食
等佢習慣你隻手係唔會傷害佢, 而係得到好處先
同埋you tube都應該有呢d片段, 可以上去望下
希望幫到你

makko

makko

部份聽唔明= ="
yimaggie 發表於 2011-10-30 22:57

幫你聽左la, 大致講呢d~
訓練鳥時的奬勵多數用食物, 如爪子; 其次會用摸, 或有些人會用玩具, 但食物做奬勵的效果通常會見效, 所以用食物
先帶隻雀出黎, 隻雀開頭一定會緊張, 但不用心急做任何事, 等他慢慢習慣你的手, 同佢鬥耐性~
如果佢習慣後, 冇不良行為(咬etc...), 就要讚佢, 奬勵佢, 頭一次等佢10秒後讚同奬勵, 下次就去到15秒先讚同奬勵, 如此類推, 將時間慢慢拉長~
若出現咬的情形, 要即講"no", 然後放回籠內, 離開隻雀至佢望不見你的地方, 以作懲罰~
過1~2mins後再回來, 帶隻雀出黎, 等佢習慣你隻手, 冇不良行為, 就讚同奬勵, 如此類推.
以及重點: 讚時只用同一語句, 不要一時"good", 一時"good boy"

因你隻雞尾不是要做stay 手既訓練, 所以你自己可以唔理(帶隻雀出籠嗰d), 同埋雀鳥都係極其敏感既生物, 所以真係要同佢地鬥耐性, 不能心急