走雀(藍田鯉安苑)(已尋回)

ronald729

今日返工老婆打黎話走雀
頭先請假返黎找左2個鍾未有發現
地點:
藍田鯉安苑D座住戶（窗對垃圾站）
類型:
黃頭亞馬遜
由於已剪翼,估計降落到低層住戶或山邊樹
佢今年1歲半,重要唔識飛,所以佢自生能力極低
希進各藍田街坊得閒幫下眼
而家真係好擔心佢
如發現的話接請打比我RONALD:XXXXXXXX

ronald729

剛已尋獲~佢因唔識飛~現已於家中休息,但我見佢上落時要好用力
我應該現即帶佢睇醫生,定係比佢休息一晚,再看明天先睇睇呢?
因我係估計佢由於比我剪左屠翼所以降落時受左傷,
不過點都好,好多謝大家關心,謝謝~_~

ronald729

唔記得交代下點找到,本身我頭先出完POST就落樓下一路望上樓
跟住樓下清潔工阿頭就同我吹左一陣水
跟住佢電話響話之前有個清潔阿姐在樓下洗地時見倒一隻成斤重既鸚鵡
跟住我同管工就依阿姐指示去佢話的後樓梯出口找
望完唔見清潔阿頭就話不如去第2度找過喇,
正當想離開時突然聽倒"菠蘿"
呢把小朋友聲我肯定係佢,
原來佢呢左係條大樓落地的大屎渠後面......
見佢成聲震晒但當我想拎轉走時佢都很最大勇氣叫左出黎
外於旁邊有人....但我都忍唔住眼濕濕了
總之好多謝大家幫忙

ronald729

知道，暫時睇落都冇乜異樣，明天再報告一下

ronald729

昨晚見佢冇黎氣即刻打比主席請教,主席話先比佢休息一下先,再睇今日,今日見佢應該其中一隻腳應該受左傷,行路就住就住,於是拿拿聲"又"打比飛鸚大哥問下意見,結果應該唔係斷腳,所以呢2日要比佢再休息一下,但重點係要留意體重
同埋飛鸚大哥頭先我同你講話佢只食平時的4份1左右,但同你收線後冇耐佢又係咁食,重開始細細聲講番野同有少少開始想玩玩具,所以暫時睇佢生命危險應該係冇,不過只係隻腳仔唔知佢要抖幾多日先會好番,點都好,今次執番條命仔,同埋飛鸚大哥的寶貴意見,真係幫我慳番唔少醫葯費

ronald729

恭喜哂

嚇死個小朋友了,下次要小心D

不過都唔關你事,因為你番左工,有冇整窗網?_?
林林柿 發表於 2012-7-7 09:42

我地自制左個格格網加圓木,平時佢地會自己由籠爬上去玩,為獨是出事的窗係冇格格網,因方便晒衫,而且因平時佢地係唔會去倒個邊的,但最近太太買左D新既晒衫夾,重點係好多種唔同顏色,結果就吸引左呢隻臭BB出左去,跟住失足,由於之前見佢失足都係由上而下,唔會飛前,所以起初重點搜索樓下單位及斜對面以下單位,真係估唔到平時唔向前飛既佢,會飛越樓下停車場到對面大廈地下後梯出口,而且好好彩地佢冇選擇向右邊飛,因為右邊係山,重要飛去山係近過飛去對面的,今次真係買個教訓,門窗關好~唔好咁心存僥倖