本帖最後由 BoBoBoBo 於 2011-7-14 08:49 編輯
1. 你亞媽返夜, 隻灰鸚又睡覺, 為何會為此咬毛? 我,媽媽同俜係一齊訓覺嫁
2. 平日隻灰鸚幾耐出一次街? 幾耐晒一次太陽和噴水壺噴身洗澡? 我地從未試過帶佢出街,怕有好多菌.沖涼就一星期沖一次,佢最憎就係沖涼
3. 有無玩具? 幾耐換一次玩具? 多數玩d 乜? 佢對玩具完全無興趣
4. 平日俾d咩食隻灰鸚? 佢最鐘意食乜? 食果糧、合成糧、果仁
5. 有無咬野習慣? 咬咩? 最中意就係破壞，屋企咬得爛既都咬
6. 個籠係咪電鍍? 住左幾耐? 個籠唔係電鍍嫁，係類似鐵的, 而佢基本上屋企無人先會放籠,如果唔係就通屋走嫁啦
7. 平日有無放在通風有氣流的地方? 屋企都算空氣流通嫁,但同我地一齊訓覺會嘆冷氣,有無影響?
8. 有無磅重? 未試過,有需要嗎?
9. 有幾多時間有人陪佢 ? 佢獨處既時候其實好少,一日可能係2-5小時
10. 有無出籠玩? 絕大部份時間都出左籠嫁
11. 個籠幾耐清潔一次? 每2日洗一次
12. 有無天天洗兜, 換水換糧? 主糧食乜? 我地日日換新鮮食糧比佢嫁
13. 家裡有無燃點香/香薰之類? 或其他化學物品? 無
14. 用易潔穫煮食時有無將灰鸚放得遠離廚房及關門? 我屋企係開放式廚房,但好少煮食.
15.灰鸚幾點睡覺? 有無蓋籠布? 我訓佢就訓,一般11點會入房,1點半前訓. 由於係同我同媽媽一齊訓.所以佢係好自由.
為避免灰鸚咬毛, 我們不斷作出預防, 得唔得唔知ga, 因為4歲起踏入青春期, 到時d 荷爾蒙的改變會令牠們有咬毛情況也未定, 咬開就咬, 所以最好唔好俾牠地咬.
~灰鸚是特別須要吸收大量鈣質的, 因為你的灰鸚從未出過街, 估計亦好日無得晒太陽, 嚴重缺鈣.
~無新鮮生果食?
~鸚鵡住的籠最好改用不銹鋼, 有鸚鵡因為住了鐵籠而中慢性重金屬毒.
~屋企傢俬、牆等均含有甲醛, 牠們直接用咀舌咬, 會有什麼後果?
~佢對玩具完全無興趣, 所以唔再俾任何玩具, 這樣更加可以專心玩咬毛
~用電子磅睇佢有無減磅, 可以預知雀有無病, 有時見佢地好精神, 原來係死撐.
~灰鸚可以嘆冷氣, 但唔可以直吹, 亦不可太低溫, 可以摸下對腳仔,凍就係太冷了!
~灰鸚好妒忌, 又愛模仿, 如果買新雀, 有可能 (1) 朗朗更唔開心 加 (2) 新雀見朗朗咬毛, 有樣學樣.
以上全屬個人意見, 多得樹友過去一年來的分享, 得益良多.
可以在搜索一欄打入關鍵字, 參考舊post.
如"灰", "灰鸚", "鸚鵡", "咬","病", "走", "食","籠", "毒", "鈣", "太陽","UV".....etc
及去"鸚鵡實用資料庫" 看看. |
發表於 2011-7-13 08:52
|