BoBoBoBo

有無試過將 h 糧敲成细細粒?
初初灰仔返來，咬唔開h 糧，又怕人，我朝朝起身逐小粒餵佢，
一餐要餵至少45 分鐘，足足餵左兩星期
灰女又係唔識食，返呢三曰原來無乜野落到肚
好彩佢識叫肚餓，第三曰叫到就死咁，嚇到我地急call 店主救命
店主話佢鐘意乜就俾乜，佢乜都唔食，淨食瓜子
咁店主就話，佢肯食就俾住佢食先，好過餓死吖!
之後就晚晚将h 糧打粉開糊仔佢食，
保證有野落肚
灰仔見刭又搶住食，结果到依家，晚晚都仲會開糊仔
灰鹦食夠就會唔肯再食
通常三大啖就夠
你可以試試早晚各一餐，d 糊仔暖暖地杰杰地
有d 似鹦爸媽嘔俾鹦兒那种半消化食物
應該會鐘意
不過佢地口味要慢慢調較，唔夠熱唔肯食，唔夠杰或太杰又唔食
所以要耐心地試，不可太熱，否則灼熟喉嚨就大件事
最近我俾鴨咀梨，勁多汁，兩隻灰爭住食, 食完仲有胃口食其他
無論如何，如非有病，唔肯食就要諗方法去令佢有番胃囗
另外，玩具亦可以嚇病，灰鹦超細胆
你有無放好多玩具入個籠?

BoBoBoBo

或者蒸蕃薯/豆腐/青豆(一定要熟透)/粟米, 趁暖暖地時,手餵.  
各種不同生果, 全部切成碎粒.

我隻雀女嚇病唔郁唔食, 手餵佢就肯食, 雖然食得好慢, 每日每餐要用兩個幾鐘頭.
雀有自癒能力, 只要有嘢落肚, keep 住有胃口就仲有一綫生機.

再唔係, 俾灰女睇住灰仔食嘢, 佢地鐘意有樣学樣.