louisa20047

加油加油...俾D正能量你 - jennymok
我剛剛養鸚鵡頭幾個月, 佢都唔俾我掂,行近D仲發出咆哮聲....(都有 ...
chengKalok 發表於 2013-1-8 16:52

我屋企有葵係自己揀跟我地返屋企嫁

louisa20047

你都仲有quota, 我而家照顧佢地都已經覺得好吃力喇! 我d雀又硬頸、又反叛、又情緒化, 唉!
jennymok 發表於 2013-1-7 20:38

加油呀，佢地硬頸，如果硬得唔好，你要硬過佢地呀，我已經搞掂左班葵轉到糧啦，你都得嫁

louisa20047

我講笑咋~我們500會員~每人每月50元~做基金傳入一間指定獸醫~
呢500人的鸚鵡一有事~呢間獸醫診所就要負責醫 ...
風中飛鸚 發表於 2013-1-9 10:17

二萬五，獸醫睇+驗兩三隻鸚鵡就得啦，邊有診所肯咁蝕底，二萬五包五百隻鸚鵡呀

louisa20047

講吓經過來聽吓佢點跟你返歸
wano 發表於 2013-1-9 22:50

一隻由買果日就只俾我掂，店的人養左佢好耐，佢都係怕人怕到死，明明係人工鳥，人手餵大，但人一接近少少，佢就有咁遠逃咁遠，我當日見佢，佢都係怕人，但係佢都俾我摸哂成身，連佢有問題的地方都俾我掂，之後冇幾耐，佢就自己伸到條頸勁長黎R我隻手去摸佢

另一隻就由行入店開始，就講野講足咁耐，又不停跳舞，明明一隻咬人咬到顛的鸚鵡，但係睇中左個人就唔會咬佢，仲要個人去邊，佢就跟到去邊

最串係葵問，高傲又嬌蠻，仲要脾氣大(所以以前佢個花名係公主葵－有公主病的葵)，店的人都唔敢掂佢，換糧要另外拎個網隔住佢，當時我地見到佢，話拎出黎俾我地睇下呀，店個人話，早知我地要睇就唔餵佢食野啦，因為佢已經自己走左上籠角，店的人掂都掂佢唔到，更唔好講捉出黎，之後我地自己試，伸隻手入籠，叫佢過黎，佢就由最遠角仔爬落黎自己走上手

louisa20047

回復  louisa20047
我懷疑你告係人，而係人形鸚鵡，你唔好以為我三也唔知
wano 發表於 2013-1-10 09:46

    何出此言？

louisa20047

你同鸚鵡好夾
wano 發表於 2013-1-10 14:13

同鸚鵡夾的人大有人在，我唔係第一個，亦唔會係唯一一個，所以你口中的人形鸚鵡一定唔止我一個

louisa20047

會唔會系鸚鵡在鳥店未買回家時是由您征服牠. 買回家後就改由鸚鵡幔幔咁馴服您呢. 哈哈!
發達鳥 發表於 2013-1-10 23:47

我係同小動物一齊長大的，鸚鵡都養左十多年，所以係我角度，一早就已經係"佢生活中有我，我生活中有佢"，所以我根本唔覺得有征服里回事，對我黎講，只係接唔接受，就算我口中的"馴雀"，亦只係一個令一隻唔習慣人的雀習慣我的過程，中間不存在任何征服的行動，佢唔接受，可以自己走開，人地教我馴雀要鎖鍊，但我就選擇唔用，就算我話自己係主人，但佢地都唔係奴隸，主人對我黎講，就同"你"，"我"一樣，只係一個代名詞，不代表高低尊卑。
如果我係一隻人形葵花，咁我就已經係一隻習慣左群居生活的葵花，所以葵唔駛馴我，只係要俾時間我習慣佢地的生活習慣，佢又習慣我的生活習慣，咁就不成問題