carcar

我隻愛情鳥起初都唔食水果嫁，但慢慢教佢一定會試的。
我每日食水果時候，都會企係隻愛情鳥前面食，重要食到好大聲，好似好好味咁。
再係佢面前分俾我另一隻鸚鵡食，等隻愛情鳥睇住我地食水果。
當隻愛情鳥見得幾次，佢就會表現出好奇，咁你就可以一邊食一邊分俾佢。咁佢會因為好奇心，一定會咬下個水果的。久而久之就會接受好多不同的水果。
但最好要留意下，你隻鸚鵡的喜好。會唔會係怕某種顏色，而唔食水果。（以上只係分享我個人的做法，請自行決定甚麼方法最適合你及你的鸚鵡）

題外話，我兩隻鸚鵡都識分水果新唔新鮮，同係唔係入口靚水果嫁。
重要選擇又靚又甜的先食，如果係唔甜的強國貨，佢地會鬧我2句之後轉身就走