新手問題 - 虎皮

summer2816

原本訂左嘅塞蛋冇左，心諗都要隔好耐先等到另一胎手養塞仔BB，所以尋日出去買左隻彩鳳返屋企。明白佢第一日未有咁快適應環境，所以都冇乜點搞佢，用布蓋住4/5個籠俾佢休息。尋晚佢死掹住籠頂唔肯落嚟訓，今早起來已見佢半個patpat坐喺棲木上，但一隻腳依然踩住籠邊準備隨時走佬。

1/返到屋企先發現佢一隻腳冇左隻後指（我買時疏忽左），應該一早已斷，因為傷口完全康復冇疤冇血，咁會唔會影響到佢日常生活，會唔會特別容易跌親呢？
2/尋日見佢d毛都好正常，但今朝見佢毛鬆鬆咁，佢係未訓醒定係唔舒服呀？
3/佢好肯食嘢，在雀店時餵雀粟，我想幫佢轉合成糧，係咪要兩溝直至佢腸胃適應呢？
4/所謂嘅雀粟（紅色好細粒的）係咩嘢嚟架？
5/玩具幾時擺入籠先唔會嚇親佢呢？
6/應該幾時先開始於日間將布完全拎走呢？
7/手伸入籠去到佢身邊時佢會縮開少少，但未至於驚到亂撲，係咪應該等佢完全唔怕手先開始教呢？

謝謝。

summer2816

6# louisa20047

唔該晒你！佢個鼻附近d毛冇濕，touch wood應該冇傷風。

summer2816

8# wisebudgie

thank you, 條link會慢慢睇。

請問你所講嘅種子糧係提煉過定係真係一粒粒種子架？我早前上網搵info時見話all seeds diet脂肪高對彩鳳唔好，所有我買左pellet呀。請問有冇邊個牌子嘅種子糧可以喺雀街買到？如果唔介意可唔可以有相睇吓，我真係完全新手咩都唔識架。

如果轉糧轉得密會唔會令佢肚屙呀？

關於維他命A我正惆悵緊，多謝你提出。請問如果俾crushed chilli seeds，應該on daily basis定係一星期一次？咩份量先適當？

食水我俾緊煲過嘅水佢，ok嗎？

至於籠，而家呢個約個14x14x18（不在家所以唔確定），但我遲d要再買過，因為呢個度門冇鎖。

另外我想請教你，彩鳳係咪喜歡有伴時先食嘢？尋日日間家中冇人，佢兜糧完全冇郁過，回家後再倒俾佢時，佢就好似好肚餓不斷食。

summer2816

俾摸喇！俾摸喇！好開心呀！！！
摸佢頭仔佢舒服到訓左呀！仲第一次拎轉頭攝埋訓呀！！
開心死喇，佢真係好純好叻仔呀！

summer2816

如果佢死都唔食菜/生果(吸收唔到部份維生素)~你可以考慮維生素補充劑
louisa20047 發表於 2012-1-10 22:46

Thank you呀，原來冇人在家佢會訓，唔怪得返到去換糧後，佢密密食啦，頭先仲吱一聲催我開飯！好彩你提我，我會暫時用鐵線扣住度門架喇！thanks.

summer2816

請問訓練鸚鵡時俾嘅無添加瓜子係咪一定要在雀街先買到，定係超市（for人食的）都會有？有冇話邊種瓜子最好？串串粟俾太多會唔會對佢身體唔好？謝謝。

summer2816

好多謝你地嘅資料，可惜小彩鳳已在幾日前過左身了。佢走前剛學識自己個名識得搵人，會在人手上食嘢。
本來正將呢度如何照顧鸚鵡嘅資料整理緊，print一本書仔以備不時之需，而家本handbook整好了，但佢已走先一步。

summer2816

我都唔知點解會咁，佢一直都好食得，走前一晚已開始適應得好好會周圍8，會走去籠邊搵人，叫佢個名會有反應，走果朝仲好精靈，點知之後放工回家便見佢一個孤令令咁走左。
好傷心。