| 獒係一種強壯而充滿自信既狗種，係養佢之前你最緊要考慮下自己有冇足夠既能力,如金錢時間,最重要係你可唔可做到一個可以食住佢既主人，令佢可以相信你，因為當佢地唔信任你，覺得你保護唔到佢，佢反過黎要保護你既時候，佢就會做左你個主人，果陣時就後患冇窮，就好似我屋企果11隻大帝，因為有大有細,大既120磅,細既8磅，如果比佢地話事，實後患冇窮。而糧方面則要視每隻狗既腸胃，好多人話食天然糧好，但我有隻洛威食極都痾，反而而家食緊CHEAPCHEAP糧就冇問題，不過我都有加益生菌比佢食。大唔大隻好睇佢地血統，不過你既聽聞係啱，因為大型狗如果未大定而做大量運動，反而對佢地骨骼有唔好影響，你可以帶佢去散步，隨佢心意行，並不係你帶佢跑，或天氣熱帶佢去游下水，都係唔錯既選擇。以上純為個人意見，希望幫到你。(不過講真一句，我唔係咁建議一開始就養獒呢D最高難度既狗種，因為佢地始終有一定既力量同攻擊性。) |
發表於 2012-3-29 18:52
|