求救

makjoe

我朋友暫養左兩隻迷金係我屋企，但其中一隻心口特別漲，每隔一至兩日就會嘔，但其他情況佢都ok既，食得玩得叫得，但因本身隻雀唔係我，個主人又冇時間帶佢睇醫生，就算我帶佢睇醫生，我好多野都下唔到決定，即係冇用，但依而家呢個情況呢兩隻野應該會係我度住一段長時間，因為佢地比人投訴，應該冇得返屋企，咁我而家可以點做，有冇雀友遇過呢d情況，同埋佢出發呢個情況已經個幾兩個月喇！

makjoe

徵狀有d似，但佢好食得下，但講到好似冇得醫，咁我仲叫唔叫個主人同佢睇醫生好呢，使唔使同我班怪獸隔離呢，但佢地已經一齊住左個幾兩個月

makjoe

其實個主人養左幾個月先比我，而我都隔離左，
就係主人唔得閒帶佢睇醫生，所以我惟有上黎問問，

makjoe

多謝各位意見，我今晚會試下分開佢地兩隻，希望佢唔係因為爭食而食得過飽而嘔，今晚開始同佢磅重，希望佢冇事啦！

makjoe

嘔完都係漲

makjoe

唉…，睇病徵好似，都係帶佢睇醫生穩鎮d

makjoe

我噚晚同佢磅有146g

makjoe

死啦，越講我越驚，如果傳染左比我班雀，我真係癲左都似

makjoe

我不嬲用開aq黎消毒，所以頭先我用aq噴晒所有用品，同埋將兩隻迷金放番落地下果層，，明天約左醫生，今次真係盡人事，同埋，好多謝louis既解釋，咁佢又真係唔係餐餐嘔，1個星期嘔兩次到，而家精神都ok，係前胸都係漲，我而家長放糧，好似又唔係好肚餓，每日早上食完一輪就算，屎量都叫多，顏色形狀都正常

makjoe

醫生睇左啦，大便冇問題，但個素囔真係太漲，同埋太瘦，如果而家照x-ray同抽血會好大風險，所以而家要試下養肥佢，但我真係冇晒方法，其實佢肯食，我d雀食咩，佢地食咩，有咩方法可以養肥佢地，但我真係冇可能三個鐘頭餵一次奶

makjoe

而家醫生建議我買營養粉灌佢地，但最唔明，佢地根本肯食野，所以瘦根本係病，就算我灌佢地係咪就會肥

makjoe

醫生話情況比較嚴重，主人已經放棄，我而家惟有放佢地去花園雜物房，每日餵藥餵糧，希望佢福大命大，但千其唔好傳染比我班大帝

makjoe

而家隻迷金每日餵三次奶，已經再冇嘔，同埋有屎柯，但素囔依然漲，如果佢咁好彩唔係pdd，咁仲有咩病係素囔漲？希望佢快d肥番，可以做到檢驗。

makjoe

佢而家食住藥，食量體重都冇咩點變，醫生暫時話除左佢素囔漲之後，但又冇增厚，其他又冇咩唔妥，所以食住藥觀察，但因為隻雀唔係我既，我惟有定時帶佢睇醫生，其他都決定唔到

makjoe

回復 30# adaleung22


   
咁其實你隻藍黃點呀？

makjoe

其實已經分隔左，其他係二樓，佢係樓下，我每次整完迷金都會先沖身，換衫先攪上面班大帝，，不過你上述所講所有症狀佢都暫時冇，反而比佢激死，每日食完奶之後，佢知道我會餵藥，佢就會四圍走，四圍爬，捉到我死下死下，由食藥同食番奶到而家重左10g，希望好似醫生所講，冇惡化已經係件好事，佢話如果只係素囔漲，都要一段時間先好，佢而家每個星期都要覆診，好在醫藥費唔係太貴，每次醫生都係收我百幾蚊，可能佢體諒我醫完隻藍黃，咁快又到第二隻，仲要唔係自己掛