gadgeteer

係呢度成日睇 post，但又少 post 野，不過都忍唔住講幾句。

先旨聲明：好登樓主同佢既 lb 開心，真心架！

但我成日唔明，明明成日見到好多主人久不久失雀，點解仲係有人咁大意係完全無適當防護上鎖下曬雀？ 係咪要走雀先識悔不當初？

小弟愚見：

第一、千其唔好見人曬雀自己又心思思想曬雀。事實上，每隻雀都有唔同性格，唔係每隻雀都適合去曬。我隻發霉雀乜都驚一餐，一驚就飛，所以無出去曬過，隔住窗望下街，係間屋入面玩，一樣開心。

第二、唔好以爲乜都可以訓練。性格就係性格。唔係話帶多幾次出街習慣下，就可以適合曬雀。你唔係佢，你唔會明白佢感受。

第三、適合曬既雀而又出街的話，唔使講，上鏈上鎖上 harness 就一定要，情況就好次你坐過山車，你無可能唔帶安全帶去玩，無分別。

第四、係去曬雀就去曬雀，唔好離開隻雀太遠，唔好懶得戚同佢玩飛或鼓厲佢飛玩集技。唔係上鏈上鎖就乜都得。唔好同其他主人或其他雀比較，人地做到所以你都道理上做到，呢個係個好錯既觀念。你唔係比賽緊，唔係越做得多就有獎。係戶外，無論有幾多安全措施，都要無時無刻令隻雀平靜。切忌同隻雀越玩越癲。


係任何時候，隻雀既福利係最重要的。比家養雀走失，係對隻雀好不責負任的。

唉，都知講左等於無講，一樣有人衣然固我。當我借的二發下 up 風......