gadgeteer

等我混肴視聽先

你想由幾 BB 開始養？剛出世，四個禮拜，三個月同六個月大都可以話係 BB，但好唔同咁養法 wor....

你問我，我就話無六個月大，未過端午節都唔好冒險開始養 BB。係任何時候開始養BB，買或領養佢時，唔該買定電子磅同暖燈....

呢的問題，隨時緊要過問應該養邊種鸚鵡.....

gadgeteer

係過左端午都唔好冒險..........
養鳥新丁 發表於 14-5-2014 16:59

即係任何時候都唔好冒險

岩架，有時我都唔明點解要養 BB （養開兩隻之後生 BB 出嚟就無計）。買 BB 又有風險，養 BB 又有風險。

我有多過一個 friend，佢的雀都係領養，領養反嚟個時幾歲又有，十幾歲又有。無錯，係要時間同愛心令鸚鵡適應同建立關係，但結果係佢的雀都好健康好過癮。

你問我，養 BB 風險好大，隨時你既付出未必有正面回報。

每個想養鸚鵡既人，我武斷的講，都因爲眼見其他主人同佢隻雀好玩得埋，好過癮，於是自己都想係咁。呢個想法無乜問題，問題係想養鸚武既人往往想一步登天，最好一買返嚟唔使兩日隻鸚鵡就好好反應，又乖又玩集技，養 BB 就希望容易的的達成願望.....

又或者調反轉講，由成鳥開始養，見佢反應唔好又成日發脾氣又咬人又唔上手，過左一排都係咁就會問自己下次係咪應該由 BB 養起會好的....

gadgeteer

車, 我個隻都系我一手一腳幫佢介奶, 咪又系唔中意比人摸+抱+掂, 一摸多兩下就走人, 話知你系邊個, 叫佢又要 ...
littlecae 發表於 14-5-2014 18:00

我以前養過一隻 LB 都係咁，所以話，一切都好睇隻發霉雀嘅眼緣同性格 ...

gadgeteer

想知新手養咩中型/中小型鸚鵡比較好!!(想鸚鵡BB開始養)
一絕 發表於 13-5-2014 20:07

無聊分享我見解比你參考下。養鸚鵡要留意幾樣野：

一、選擇鸚鵡就有如買六合彩，你觀察佢一陣其實唔會觀察到佢性格上好多野，有的鸚鵡更會識扮野，返到屋企養一排先知佢真性情。所以揀鸚鵡時，集中係佢健康狀況會實際的。咁當然，唔好揀隻明顯見到你就咬或好驚你既。好彩的話，你可能會揀到隻好乖好聽話既鸚鵡，係有可能發生，但要好好彩。點解？繼續讀落去....

二、鸚鵡對內同對外可以有好唔同性格。你見到其他主人同佢地隻鸚鵡互動時屬對外性格，唔能作參考。其實，係背後係屋企關埋門得返主人同佢兩個可能有好多辛酸你唔會見到。我隻就調轉，一對外就咬人，死都唔講野。

三、一定要了解鸚鵡都有心情的，每一天甚至每一刻多可以因唔同原因變。佢有佢性格，唔好嘗試去改。要知道，習慣可以改，但性格無得改。

四、鸚鵡係就係好聰明，有成三、四歲小朋友智商。但要緊記，佢三、四歲時有三、四歲小朋友智商，佢六、七十歲時都係三、四歲智商，唔會隨年齡而大的。換句話講，你要知養得鸚鵡，就係去養七十年得三、四歲智商既小朋友。話得係三、四歲既小朋友，就一定有唔聽話，唔講道理，發脾氣、無時停、四圍破壞無建設既時候，仲要係大部份時間都有機會係咁。係有例外，個個禮拜都有人中六合彩，問題係咪你中。

五、好勒，答返你問題，咁養邊一品種好呢？主席其實一語道破：錢。 我會加多兩個字：時間。唔同品種既鸚鵡係唔同既 （例如佢需要多大空間，叫聲有幾驚人，獨唔獨立），呢個你去爬文啦。你問我，品種既分別所帶來既影响只屬大方向，可以用錢同時間解決 （例如比間三千呎房佢住晒，無限玩具供應，你二十四小時請十個人服侍佢）。但一講到性格，就係另一個議題。

希望幫到你....

gadgeteer

成堆字.................等如: 見雀買雀
養鳥新丁 發表於 15-5-2014 15:53

你點知

不過係：見雀買健康雀