gadgeteer

過去已有給牠咬木塊，未經染色的皮，木筷子，竹筷子等，但總是喙的下部越長越長至不能好好合上，已幾次用骨 ...
東東主人 發表於 6-7-2015 13:01

我隻發霉雀都係，懶到死，個嘴長到呀媽都唔認得都唔會去磨下個嘴。

你問我：

一，個嘴長，只要唔拮到心口，唔影响佢食嘢，唔影响佢爬嚟爬去，唔影响佢正常活動，唔使理佢；

二，個嘴長到以上情況的話，帶佢睇醫生，叫醫生做嘢，千其唔好自己嚟，一來自己唔會識搞，二來鸚鵡好鬼小氣，搵醫生搞最多討厭個醫生一世，過後搵番你嗲。你幫佢搞，憎咗你，唔值。

三，自己睇唔過眼，覺得佢個嘴長長地，但佢又唔自己去磨，你無乜好做，最多不斷換啲新奇趣怪玩具佢咬，指住佢笑佢嘴長好樣衰 （跟手令佢自卑咬毛，又另一個問題），佢都唔磨，你無佢乎。你唯一可以做嘅，只係望住人地啲雀點解個嘴咁靚，毛色又靚，又乖，又識講嘢，又識玩雜技，又識做家務，又識煮飯，又會比家用，再望番自己嗰隻，然後無言。