gadgeteer

合成糧都係由天然食物做成，好處係營養會均衡啲，但亦唔可以淨係餵合成量，同時要餵新鮮蔬果。

瓜子係天然，但油份高，就好似每餐淨係餵小朋友食薯片一樣，無話唔得，但長遠黎講實出事。鸚鵡可以有60歲命，要佢健康的話，除咗要均衡飲食，亦要比佢做運動。

鸚鵡除咗瓜子唔食其他糧？我就建議想方法令佢食。點先令佢食？自己搵下，呢個話題講到口臭，講到悶...

gadgeteer

現今人類食物都追求天然食物 合成糧點說都係加工飼料 真的比天然食物 好?
單一喂瓜子當然吾好喇 每天加些生 ...
kenness 發表於 6-8-2015 11:11

你要講到咁，問人攞證據出嚟證明食乜會命長，食乜會命短，即係搵交嗌。

都係比下意見姐，唔鍾意可以唔聽，咪上嚟問。使唔使講到又證據又傳說。

你有心機的話，全天然餐餐整啲均衡食物比鸚鵡食就梗係最好。我就用合成糧，同一包包現成嘅混合乾糧，因爲方便。

gadgeteer

討論就緊係有吾同意見 何以見得係嗌交

呢個世界有好多不合邏輯 無証無據傳說
真係好考智慧
kenness 發表於 6-8-2015 13:54

比意見本身無問題，你係比完意見之後問人有無確實證據證明你嘅意見係錯。大家都係經驗之談，上嚟分享下，你可以有唔同意見，但唔使下下問人攞證據...

gadgeteer

Take Harrison for example, you can read the ingredients and certificates on the package, I highly do ...
macbrush 發表於 6-8-2015 14:14

呢啲就係意見。我亦十分同意 Mac 兄！

gadgeteer

睇咗咁多個意見，個人都係同意 Mac 兄所講。係，你可能話名牌子合成糧聲稱好，但未必十足十可信，但係買大牌子嘢就係信心問題。老實講，如果我餐餐自己整比鸚鵡食，我自問唔識點先叫均衡，亦未比下下得閒搵量杯去量，仲要每餐要確保隻雀食鬼晒啲嘢唔好揀嚟食。細牌子或大陸牌子嘅量我更加唔會買。

你問我，我就情願比大牌子合成量，再閒時添新鮮蔬果，簡單得嚟又有一定程度保障。

下下都要講到 100％， 講證據，唉，放鬆啲啦，香港人...

gadgeteer

耳聴七分假 眼看都未唯真
kenness 發表於 7-8-2015 08:05

現今世界 千奇百怪 好多野都要靠自己智慧
kenness 發表於 7-8-2015 08:53

唔同意咪唔同意囉，講啲咁嘢做乜？你有你餵，人有人餵，你分享完，人地唔同意，人地分享完，你唔同意，係無問題嘅，臨尾死都要講句眼看未爲真，千奇百怪，做乜姐？

我就比你簡單，我同意 Mac 兄所講。kenness 兄你餵瓜子做主糧的話，其實都無問題，只不過各人提供意見你参考，根本無惡意，個帖係你開嘅，大家做好心講兩句姐，唔使又問人證據，講多啲又話眼看未爲真，再講又話千奇百怪。講緊餵糧姐，有幾千奇百怪呢....

gadgeteer

回復 41# gwensoo


我諗好啲嘅比喻可能係奶粉。嬰兒出世食咩佢無得話事，完全由父母決定。

香港人，普遍信廣告，個個買最貴嘅，又乜A又乜A嘅，每次要餵幾多安等...

落後啲嘅地區，窮起上嚟，咩都攞嚟餵BB，餐餐無特定話餵乜嘢，一樣養得大。

你問我，除非有原因，走大路就最穩陣。比你餵其他天然食品，養得大，又健康，比個叻你。我唔識，話就話粗生姐，我就唔博因爲唔識...

gadgeteer

回復  gadgeteer

唔會食到我成幅牆都係果肉果汁, 唔會食到成地都係種子殼,
gwensoo 發表於 10-8-2015 15:19

笑死我，一定講中咗好多雀奴心聲！！所以我餵親都盡量餵蘋果，我食橙，一定收埋食，有時比我隻發霉雀見到我食橙，我又心軟因爲偏偏佢又好鐘意食，焗住鋪到一屋報紙先比佢食...爲咗一舊橙...

gadgeteer

回復  gadgeteer

宜家吾係要天然喂母乳咩
kenness 發表於 10-8-2015 15:14

可能估錯，但我估你或你老婆未生過仔...

gadgeteer

我見過餵午餐肉~用午餐肉做主糧~
但我唔會~因為我唔怕隻鸚鵡死~我怕佢病~我唔同你~我冇錢帶佢睇醫生~
風中飛鸚 發表於 11-8-2015 10:26

你有隻可以餵午餐肉，變壞咗發晒霉嘅可能仲好....

gadgeteer

牛係咪動物?
kenness 發表於 11-8-2015 13:45

Sorry, 牛係動物又點？

即係，鸚鵡係動物，牛又係動物，鸚鵡食瓜子，牛又可以食瓜子做主糧？

唔明添...

gadgeteer

新手唔識會問會參考唔同意見，但你唔會參考唔同意見，又唔會同呢個時代同步，幾拾年前後都一樣，我養鸚鵡三 ...
ngwaikeung 發表於 11-8-2015 14:12

咪咁勞氣...

其實成件事，計我話，最錯係呢個帖嘅標題，唔應該寫 “新手合成糧問題”：第一、人地有二十年經驗唔係新手，第二、明顯唔係係度問問題。

個標題應該寫：二十年經驗說瓜子應當做主糧。咁寫板主既可分享自己意見，又唔使参考人地意見...

gadgeteer

我又搵！

https://www.youtube.com/watch?v=8hWA1uLn6Ts

https://www.youtube.com/watch?v=To4Ne4LTV28

咁即係有證據可以做主糧喎！

gadgeteer

奶撈飯做主食
kenness 發表於 11-8-2015 15:37

食到有隻有癲癇症？

睇嚟食意粉好啲喎

gadgeteer

回復  gadgeteer

十七年喇 仲想點
kenness 發表於 11-8-2015 16:01

我投降，餵飯餵奶餵意粉做主糧係有長命嘅成功例子，你嘅理論係有充份證據支持，成個網絡都係添，小弟不才，你大哥至係權威，實在英明！

拿拿拿，我之前認咗我唔識嫁嘞，所以我繼續餵合成糧，繼續做個千其百怪嘅蠢人

gadgeteer

回復  gadgeteer

餵飯餵奶餵瓜子嗟 比大家睇下D鬼佬係點養 吾好死估估迫佢地食D吾鍾意合成糧
kenness 發表於 11-8-2015 16:19

無講過話我隻發霉雀唔鐘意食合成糧喎，我之不過話我蠢，我唔識，我信廣告，我比人呃都要餵合成糧之嘛。我呢啲好低層次，係餵合成糧加生果，唔會明你啲高手嫁勒。

gadgeteer

我呢排成日去鬼佬論壇睇下人地點養凱克, 但我普遍見到都係話餵合成糧同水果蔬菜同小糧果仁, 我又無話信到十 ...
gwensoo 發表於 11-8-2015 16:24

我係啲普遍普通人，做番啲普通普遍嘢。銅鑼灣醫院都係建議合成糧，仲有得買，鸚鵡舖又係叫我餵合成糧做主糧，你問我，點解要搞到咁覆雜姐？我自問無學歷無經驗去 challenge 醫生同舖頭講嘅嘢，亦無需要。

gadgeteer

我想話，餵瓜子都唔平得過餵合成糧。好似我買美國有機認證嘅葵瓜子仁一樽130克都要29，如果淨餵瓜子， ...
gwensoo 發表於 11-8-2015 20:27

去什貨店買人食果隻 不過要無添加果隻
廿蚊斤有排食
kenness 發表於 11-8-2015 20:39

睇到呢兩句個心笑咗下

公道啲講：其實食瓜子無問題，問題係做主糧會點。睇嚟大家就呢個問題都唔會同意到嫁勒。

但講到買瓜子，哈，又係同一個問題：究竟買牌子有認證？定雜貨舖呢？

實會有人話：牌子嘢得個吹字，貴得嚟為何比人呃。雜貨舖咩？點知安唔安全，平就平，但來源無人知，有無漂白色素無人知....沒完沒了...好鬼悶...

gadgeteer

靠正苦？ 不如靠自己

法例監管又點，食水都可以含鉛超標，飲咗幾多年無人知...

gadgeteer

你試下去什貨舖同雀店買D瓜子拎去驗
如果大家都驗出有問題 你睇下邊個大鑊
kenness 發表於 12-8-2015 11:44

sorry，你 miss 咗我個 point。要驗，大牌子嘢可以驗，雜貨舖嘢亦可以驗。下下走去驗咩。所以我咪話靠自己囉。你唔使下下郁啲就著火...