gadgeteer

我又試下答：

1. 那裡可領養鸚鵡？

你問我，無乜選擇，陌生人陌生舖陌生地方有得比你領養嘅，唔好博。你要領養，離不開：愛護動物協會、朋友、呢個網。


2. 如領養，牠們是否大多是成年，會難教或難適應新主人？

你似乎覺得領養有得揀，係無嘅，完全睇緣份，有幼鳥，有成鳥，你可以揀唔養。至於同新主人夾唔夾，更加無人答到你。問題係：同新主人，即係你本人，唔夾又點？你會放棄佢，又叫其他人領養？只可以講你知，有成功領養例子，有好多問題嘅例子。你領養前，隻雀係舊主人無問題，又乖，又識玩雜技，你帶到反屋企，又咬人，又咬毛。你未準備好的話，唔好養。

3. 因上班，可否獨留牠至少9小時在家？

你要到，無話唔得，但你唔好又要鸚鵡好，又要鸚鵡不吃草，你想大部份時間唔使理佢，又想返到屋企鸚鵡黐你，玩雜技，你等同問老闆：可唔可以唔返工但加人工？

4. 鸚鵡是否一定好嘈，有什麼解決辦法？

有：唔好養。你咁問，等同我問你：你可唔可以成世唔發脾氣？你可唔可以成日同日日唔講野？你講野的話，可唔可以保證無論係乜情況下，都唔會越講越大聲，越講越興奮？

5. 有什麼推介品種適合新手？

與其領養，作為新手，不如試下用錢買 LB 養。無錯，LB同中型或大型鸚鵡跟本唔係嗰回事，但你未讀過書，應該由 BB 班讀起，你宜家仲要問我地，可唔可以一讀就讀大學，仲要自修唔使學費嗰隻....

gadgeteer

你問我，我都養過唔少 LB，我意見係，先唔好睇LB幾大，你去睇嘅時候，揀隻黐人嘅。多過一隻黐人的話，就揀隻年紀大啲嘅，你要返工，買隻初生每兩個鐘頭要餵一次奶唔多實際。

我嘅經驗係，LB 手養大，大咗之後都唔一定黐人，我試過唔少。大咗嘅LB，唔黐人的話，就養幾耐都唔黐人。所以，唔好煩，一買就買隻黐人就最好。