gadgeteer

拿拿拿，先講明唔係睇你唔起，絕無呢個意思，純分享下比你参考。

買雀，無話比唔比人坤，明買明賣。明明見到隻雀病，咬毛，咬人，怕你，你可以唔買。見唔到嘅，雙方都無得講。所以唯一問題係價錢。買雀好講緣份。碰到遇到，貴一貴都有人買。碰唔到，當交學費。買買下你就識。

我成日講，仲要早兩日先講完，買雀等如買六合彩。係舖頭見到隻雀，明明好地地好聽話好痴人，返到屋企變咗另一性格，成日發生。

係呀，講到底，都係講彩數。

我唯一可以勸你嘅係，當你去一間舖，千其唔好逼自己買。見唔岩，就唔好買。去第二間睇甚至第二日先再望。分分鐘成半年後，你發覺你帶咗返屋企嘅根本唔係雞尾，唔係BB，而係你當初諗都唔諗過嘅品種。