gadgeteer

買一隻就好似買六合彩咁，買兩隻就等如買兩次六合彩，有人可以中兩次頭獎，但大部份人乜都唔中....唯一唔同係，買六合彩唔中，可以掉咗張飛當無事發生，但鸚鵡買咗帶咗返屋企就一世，是好是壞，適唔適合群居定有怪癖，真係買完返到屋企甚至過兩日開彩嗰下先知....

gadgeteer

最典型嘅係，中過六合彩嘅：

一係就覺得自己好好運，會繼續買以爲會繼續中。唔中？就會同自己講：無理由嘅，我之前都係咁中；

一係就會成日同人講：拿，六合彩應該係咁買先得架嘛，同埋一定要去邊間買先得！人地聽到流晒口水，又照住買。

主席係唯一我見過中過六合彩，但周圍同人講：唔好見我咁過癮呀，千其唔好買呀，買就唔好預中，中咗都唔好再買呀！

gadgeteer

咁都係主席你唔岩，個個見到小丙，就覺得大中細葵都可以養多隻，萬大事有主席係大廳！

呢個都好典型，見到人地隻鸚鵡痴人識玩雜技識做家務識返工幫手供車供樓，就想要一隻....