若果正打算買雀返屋企養嘅朋友,買之前切記考慮清楚自已係咪會有心機去養佢.(因為有好多人都係見啲雀可愛,視啲雀係1件會行會走嘅毛公仔,同平時去精品店買毛公仔一樣,鍾意邊隻就買邊隻,完全無諗過甚至乎唔記得啲雀原來係有生命嘅生物而唔係1件死物,到佢哋玩厭咗首先就唔理啲雀之後就唔要啲雀,完全唔知或唔理,最賤嘅係唔在乎自已害/殺咗隻雀.)
除此之外,我個人認為有兩大阻力令好多新手放棄或被迫放棄繼續養雀,就係啲雀排出嘅糞便同發出嘅叫聲(嘈音).
有關糞便方面嘅問題:當你放雀出籠玩嘅時侯,佢哋間中就會係屋企任何地方大解,而你隨即要幫佢哋清理現場,經常咁做有可能會覺得好討厭.又或者一不留神,佢哋喺你或屋企人衣物上大解,過後衣物上嘅污漬未必能夠清除.仲有就係衛生問題等等...不過若主人肯耐心加以訓練,唔難解决.
但另1阻力叫聲問題就難面對或難解決得多,涉及嘅人同事亦可以好多.不過已經寫得太多有機會再寫.
總結:買1隻雀唔難(所指嘅係L.B,雞尾,彩鳳等比較平價所以比較多人養/多人遺棄嘅雀),有心機養落去至難.希望各位清楚1點:就係平 不 等 如 賤!!! |
發表於 2011-1-14 23:12
|