我屋企養過既狗，除左一隻係死鬼老媽子送既，其他都係收養或者係街跟我番屋企，而家養亞 Spencer 都唔例外，都係從前主人收回來。 無錯養有人養過既動物係好多時有麻煩，但寵物店的也並不一定完美，何況把牠們標簽為易手也很不公平，牠們也是動物，比人養慣左有食有住，也需要人照顧。 加上以鸚鵡為例，雖然比人養過可能要比多很多心機，和給牠咬上百零二百口，但天賦既野，無人知道邊個聰明，可能領養左隻 Einstein 也未定。
環觀各論壇買賣區，蛇蟲鼠蟻貓狗蛇蜥你一定會搵到想要既野，當然好多人都想養BB，因為其實就係當左寵物係細路仔，但係BB唔易養，當然會比較易跟主人，但係有舊主人的，你肯比多些心機，加上方法得而，其實唔會有咩分別。
如果多D人領養，等多D無家可歸既小朋友可以搵到屋企，又可以對新寵物既需求細些，市場無咁大壓力，咁對那些野採同D無良繁殖商既吸引力便會減低。
以下既事我係另一 forum post 過，copy 過來給大家看一看。
我試過收養過一隻曲架女，睇醫生話佢以經 9 歲。係村口見左佢兩日，就同佢講，今晚返屋企你仲係處我就收養你啦，果晚佢仲係處，一見到我就跟，我一開門佢自已以經識上三樓 (我住村屋)等開門。 一入屋就好開心咁wowowo唱歌，去大小二便唔洗教，頭幾次急就係門口叫，我帶佢上天台叫佢係處佢幾次就識自已去。 第二日帶佢去睇醫生，話佢有未期乳癌(其實睇到佢個肚一舊舊，所以即刻去睇醫生)，應該得幾個月命，仲話可以留低，佢免費同佢安樂死，我覺得佢好可憐，帶返佢番屋企，後來都養左接近兩年，病發仲好乖，果晚係我懷中去世。
雖然養左佢唔夠兩年，但係覺得比養任何名種寵物，養過乜乜，繁殖到乜乜，更有意義同價值。 |
發表於 2011-12-30 00:32
|