無一個特定溫度, 要隨機應變. 當隻雀覺得凍, 就會無時無刻鬆起羽毛保暖, 就好似冬天街上見到既麻雀仔, 隻隻都鬆起羽毛成個波一樣. 如果屋企隻雀長時間鬆起羽毛, 唔單只代表覺得凍, 仲可能開始作病, 要小心留意.
動物醫院內, 俾雀鳥用既深切治療氧氣箱, 就設定恆溫28度, 濕度65~70%.
我住新界村屋, 冬天氣溫日夜可以相差10度, 氣溫比市區低多3~5度, 最凍時屋企門口草地都會結霜, 唔使去大帽山都有得睇. 屋企只有成鳥, 我個人就設定如果室內溫度低過15度, 就開暖爐, 因為有幾隻傻雀冬天得10度都仲會跳落水杯沖涼玩水, 唔開定暖爐就實會冷病. |
發表於 2012-3-5 09:44
|