已經離開左

ding

本帖最後由 ding 於 2012-4-9 22:16 編輯


今日下午帶左去銅鑼灣間寵物醫院，結果安樂離開。

今日已第4天，已無法企棍全身無力冇晒精神，4日以黎幾乎冇食過野落肚餵奶一樣嘔返出黎，中午帶左去銅鑼灣寵物醫院睇，DR詳細檢查過和根據我詳細描述，初步判斷好大機會一早已經有左病毒，但咩病毒要抽血先知，佢見灰鸚而家情況話醫返機會好微，佢向我解釋灰鸚而家透氣好辛苦和一直無法食野和飲水已第4日，咁情況佢只會好痛苦，一直落去只會令到佢慢慢痛苦咁死，差在時間問題。就算想繼續醫就先要留院幾日，要打抗生素同抽血，呢幾PART又係要再令佢受多幾次痛苦，因為抽血果PART有可能令佢受唔到壓力而即時死亡，叫我有心理準備，未必醫得返，問我想博一博定想佢而家安樂離開?經過一輪分析後我決定讓佢舒服地離開，果刻決定我好傷心。埋葬果方面我亦托醫院為我安排選擇土葬。十五分鐘後護士叫我進房望多佢一陣，我見到灰鸚已全身不動 被一塊毛巾包著睡在桌上離開左，我摸到佢上身仍然是溫暖的，面部的病態經過4日既煎熬已經明顯看得出。記得係我今日帶佢出門睇獸醫之前見佢已全身無力無法企隱，但佢仍然好努力地由離遠勉強地爬上我身靠近我，再把頭貼近我塊面，我摸左佢一陣之後就帶出門睇獸醫(今次出門我都預左凶多吉少)，最後得返一個行街籠拎返屋企，望住屋企個籠感覺好似少左D野，平時一返黎佢係會叫我，而家心情好空虛。我永遠記得今日係出門前 佢用盡一口氣力量努力爬上我身靠近，用面貼近我，亦係最後一次我為佢摸頭。

ding

多謝各雀友安慰及關心，我會調適心情了.  諗返起尋晚成晚冇訓一直陪住灰鸚到今朝八點，估吾到而家已經吾係度, 話走就走. 仲好懷念今朝既事.

ding

我好懷念今日出門前佢博命想爬上我身果刻，我知道佢根本連企都冇力企但佢就卻夾硬上黎我身然後用臉靠近我臉, 而家冇左啦

R.I.P. 牠的行動已代表了對你的愛有多感謝及明白! 加油!
AndisonC 發表於 2012-4-9 22:44

ding

當時佢已經冇乜氣 企都難企,但佢好辛苦咁黎搵我 爬上我身佢用臉貼住我臉, 估吾到一出門就冇左

R.I.P. 牠的行動已代表了對你的愛有多感謝及明白! 加油!
AndisonC 發表於 2012-4-9 22:44

ding

走左總算係一種解脫, 對佢同我都好. 呢幾日我都被攪到好大壓力,連續好多晚冇訓過, 好辛苦,佢又辛苦, 佢係呢4日係完全冇食野冇飲水呼吸極困難,成隻個樣吾同晒生不如死, 都係好事, 對佢同我都好

其實吾係呢幾日先咁, 係呢2個月內已經有好幾次係咁, 時好時壞, 2個月黎被搞到整個人好大壓力 成個人冇左魂魄咁. 動物享有安樂死,人卻沒有.