| 本人住在馬鞍山一近山的屋苑,今日近5:00PM左右見太陽光不太猛烈,便帶雀雀去晒太陽.之後有3個在乘涼的阿婆阿伯走過黎講:~這班老人家都是鸚鵡走失了又不會上網的人.他們對我說,要小心一個同我果隻咁大(灰鸚),白色,頭有黃色冠的野鸚鵡(即葵花),佢地話這隻雀會憑叫聲去搵其他鸚鵡,之後游說隻鸚鵡搵機會離家出走.當中跟牠飛走的有亞馬遜,達摩,迷金.有個阿伯講,曾經見過其他離家出走的鸚鵡同那隻葵花一齊去叫其他鸚鵡離家出走......他們叫我小心D,見到佢地要趕佢地走,有一個仲激動到話最好打死"白色果隻"...其實這個傳聞於我第一次帶雀出街時已經聽過,我亦聽過當我隻鸚鵡大叫時,山邊傳來鸚鵡的聲音.好彩我隻鸚鵡沒有"回應"牠,並停止大叫.之前我都上過黎睇馬鞍山有無人走失鸚鵡,因為在黃昏時山邊是有傳出鸚鵡的叫聲.但無論如何,我放隻雀出黎玩時都一定會關窗. |
發表於 2011-6-18 18:07
|