花地灣一日遊~

vanessachan

星期5去了廣州花地灣,今次見到比較多鸚鵡.我終於見到大達摩,D毛色好靚.而鸚鵡店亦有分店在花地灣,果度D鸚鵡玩具又多又平.而我就買左個鋼籠,3尺高,闊2尺X2尺.這就是細路仔的超級豪宅~~

vanessachan

鋼籠人仔1250.D料都好靚.至於玩具有D香港無有D有,但價錢平好多抵買.果度D雀唔比影相

vanessachan

由於我在祈福新邨有屋,所以我是由沙田坐車去番禺.之後就在蓮花山坐船返香港,再叫貨VAN送返屋企.如果3個人去是絕對可以攞套籠走.同埋我個籠偏大,細個D的話會仲容易拿.

vanessachan

關於較用腦的玩具可在鸚鵡店(花地灣分店)買,價錢都OK.對雀籠有興趣的都可以順道睇下,問下的.
飛鸚:我不是在廣州要求送貨,我是兩公婆自己攞個籠落黎.只要將個籠拆開攞就OK,帶車仔去拉.而且仲有好多香港人買,佢地都係將個籠拆件搵車仔拉落黎.由於我仲要攞魚缸,所以就CALL車返屋企....

vanessachan

店名是:華興不鏽鋼工藝制品,地址是花地灣越和花鳥魚蟲大世界~烏區F88,89.這裡有不同款式的鳥籠,有D金剛籠真係整得好正.如果去開花地灣的可以去睇下,但打算去開果邊買野就帶定手拉車.
小達摩:我唔識放相上黎~~我試下問人先.仲有我終於在花地灣見過大達摩,超靚.香港就好少見.
提示:花地灣一檔叫"鳥語"的鳥店,男店主好攪笑.見你D衣著"牛記粒記"唔光鮮,佢唔中意你行埋去睇佢D雀.佢會話D雀唔買打發你走.因為我阿爸穿得好普通行埋去睇,之後問價,佢話唔買,估你都出唔起價.但同時我阿媽又行埋去問,店主見佢著得光鮮就係咁叫佢買,激到我阿爸紮紮跳.....

vanessachan

佢地會買D貴雀,但是先睇圖後睇貨的.佢地間店放了3隻亞馬遜,一隻藍頂,兩隻小黃帽.我爸爸是問小黃帽,佢就話D雀唔買,E度唔買雀.但我媽媽之後去到花地灣在該店等我們,這時候店主已經SALE緊佢,開價2萬5人仔.我阿爸問佢之前又話唔賣?佢話以為佢買唔起未話唔買囉......真係比佢吹脹.

vanessachan

所以咪激到我老豆紮紮跳囉...最好笑個店主仲即刻攞隻小黃帽出黎,叫佢同我老豆講恭喜發財,又話易養好玩抵買.個店主都幾匪夷所思........但講番其他鸚鵡用品就的確比香港多款,無論膠製,木製同不鏽鋼都有好多.