本帖最後由 hahalegolas1991 於 2012-4-21 22:38 編輯
真人真事! 話說今日下午同朋友行經雀街, 諗住望下有咩買, 行到雀街中間(有好多雜雀買o個間, 舖名"明X"), 士頭婆即刻叫o左朋友過去, 佢同我fd講話今日又有太平洋鸚鵡番o左, 綠色o既平好多. 當時我同個fd聽得好清楚佢話一隻200蚊, 咁見都ok我個fd就叫佢執一對. 執到一半, 有人埋o黎問幾錢, 士頭婆只回應一句: "好貴o架!"就無再理佢. o個刻我都已經覺得怪怪地, 200蚊好貴咩? 就算係我都覺得佢好似刻意迴避個問題...
好啦到比錢啦, 朋友比o左500蚊, 個士頭婆話: "下?! 1000蚊一隻wor!". 我o個陣o係出面睇緊其他雀, 一聽到即刻入番去話: "係咪玩o野呀? 頭先明明話200蚊隻, 而家變1000蚊?!" 士頭婆見我咁講, 即係話: "唔係呀! 我頭先係話平200蚊隻比你呀!" (無錯我個fd係之前買o左一對藍色o既, 但講真, 就算佢真係平o左200蚊一隻, 條數都係唔o岩, 根本完唔到場!)
我個fd個人好和平, 無同佢嘈, 個士頭婆仲不停桑佢買, 我個fd就推佢咁話: "就算係我都要撳錢先.". 士頭婆一聽到佢咁講, 即係兩眼發青光咁講: "係咪去攞錢呀係咪去攞錢呀??" 嘩! 傻o既都知你呃緊人啦個樣! 你地無見到咋, 真係成個發錢寒咁樣!!!!
最後個士頭婆都不停係咁遊說佢買, 我即係拉住我個fd拿拿聲就走, 留多一陣都有危險! 講真... 好彩有我同佢一齊, 如果無我o係度, 佢身上又有足夠現金o既話, 佢真係會唔好意思咁買o左佢! 走o左之後我即係同佢講, 叫佢下次唔好再幫襯, 就算有o野買都一定要叫埋我去, 費事比人呃!
請大家小心呢間o野, 仲有記住話比其他雀友知! 等呢個奸商快啲接埋!  |
發表於 2012-4-21 22:35
| 
