新回家灰鸚女食好少野，輕左好多，點算？

gooza1984

本身養緊一隻灰鸚鄧英武，上星期六買多左一隻灰鸚做伴。但呢隻B女番黎之後食好少野，水都飲好少，平時我地用開既pretty bird佢一粒都唔肯食，另外一包生果糧佢就只食d瓜子。今日一磅重嚇左一跳，佢由番黎個日既520gram跌到得番480gram,點算？好擔心！情況係咪好唔正常？唸住星期六去買H糧試下佢食唔食，頭先亦加左d葡萄糖水比佢，比萍果佢就掉多過食，仲有咩辨法？持續幾耐咁既情況要再作打算？

gooza1984

Btw, 佢精神狀況ok, 肯玩肯講野，便便少左，但仲係條狀，

gooza1984

- 兩隻灰鸚而家係分籠分房的, 佢地暫時只係見過一面. 我唸住隔離一個月先放入同一間房, 不過都會分籠.
- 呢隻灰鸚女之前個主人話咩都比佢食, 冇特定牌子. 但而家比佢食隻生果糧已經係佢前主人介紹, 但唔知點解唔食.
-打算今晚餵食粟米, 因為前日餵左少少佢都肯食~ 會試下餵埋飯仔~ 不過佢唔食麥皮, 唔知食唔食飯..
- 如果要食奶粉, 邊D O岩? 佢係成鳥, 唔係BB, 差唔多8個月大~ 未試過餵鸚鵡食奶粉...冇咩經驗...

gooza1984

今日再幫佢磅重，B女又輕多10gram, 得番471gram, 好擔心! 我今日買左H糧比佢，佢食左2粒就唔肯再食。飯仔佢又唔食。唔通真係要齋比瓜子佢食? 佢唔多似轉主人鬧情緒，因為佢好鐘意同我地玩，可以上手，我同老公都可以，每次一同佢玩完離開間房就叫到拆天叫我地番去。但點解佢唔肯食野，擔心死人啦!

gooza1984

哎，佢體重已經跌到去464，但精神好好，便便正常，又同我地玩，一走開就係咁叫，我真係唸唔到係咩原因。

gooza1984

有無試過將 h 糧敲成细細粒?
初初灰仔返來，咬唔開h 糧，又怕人，我朝朝起身逐小粒餵佢，
一餐要餵 ...
BoBoBoBo 發表於 2013-1-28 03:56

    試左開糊仔，但佢都唔肯食。 見佢鐘意食木瓜，就連木瓜打糊仔佢食，都唔肯。

gooza1984

各位，我隻灰鸚女每日磅數keep住跌，你地suggest既我除左餵奶就咩都做過曬，但佢仍然咩都唔肯食，連瓜子都唔食，只肯食木瓜，同杏仁花生。頭先餵左個半鐘先食左少少南瓜同粟米。但佢仍然好肯玩，唔似唔開心…想帶佢睇醫生，但我唸好似冇野比醫生睇咁，請問各位仲有咩辦法?佢會唔會有暗病唔知?  駛唔駛帶佢番舖頭住番一排養肥番先?我真係好驚佢會餓死。。。

gooza1984

我唸我要試試開奶，請問灰鸚8個月大可以食咩奶粉?係咪要用針筒餵食? (sorry因為情況很急，未有時間search太多有關開奶既post,希望各位可以幫幫手)

gooza1984

各位，好多謝你地既意見同關心! 養左B女已經一個月，佢已經回復90percent正常! 雖然佢仲唔係好肯食H糧，但種子糧同生果都好肯食，體重亦穩定番好多! 會繼續努力! 話說今次最大功勞莫過於灰鸚仔鄧英或，我見我地點教都教唔到，就試下將2個放埋一間房(唔同籠)，睇下會唔會開心d~ 結果一日後已經發現佢食多左野，又去玩墨魚骨，而家對左2個星期，已經互相識叫對方個名鄧英文鄧英武! 灰鸚仔仲識叫佢B女! 好可愛!好開心!