上環裘記有特別色桃面愛情鳥2隻

Louis

今日開工前, 走左去上環同灣仔睇雀, 見到上環裘記有兩隻特別色桃面愛情鳥, 兩隻都係成鳥, 怕人, 可能唔上得手.
一隻係橙面綠身.
另一隻係, 紅面, 黃胸腹, 綠頭綠頸綠背綠尾, 藍pat pat, 即係好似常見既綠色同黃色桃面既混合體, 前面黃, 後面綠.

另外, 見到鸚鵡店有新雀返, 其中有一種少見既吸蜜鸚鵡, 黃兜吸蜜鸚鵡(Yellow-bibbed Lory), 已經好多年無見過有得賣, 大家經過時可以留意一下.

有關資料:
http://www.toaparrotzone.com/yellow-bibbed_lory.htm

Louis

體形唔係細左, 而係瘦弱左, 一拎上手, 摸下胸肌, 瘦到無肉, 有時甚至見到有d bb 全身羽毛已見明顯壓力紋, 可以想像繁殖場可能密集式繁殖, 照顧不足, 再搭飛機, 轉新環境, 令d bb 到港後更易心身疲累而死亡.
體形大小係先天基因遺傳, 就算唔夠食物營養, 都會長高, 但瘦弱; 而後天均衡飲食, 可以幫助骨骼肌肉強壯, 增強免疫力, 所以買左鸚鵡 bb, 唔好怕浪費, 買包奶粉, 試下餵奶, 如果肯食就最好, 可以幫隻bb 增肥.

奉勸各位新手, 買bb雀時, 要同時買埋奶粉及電子磅, 要有心理準備每日要花時間餵奶, 唔好儘信店主話bb 已經戒奶, 活活餓死隻雀, 每日磅重, 監察體重變化.
如果知道自己無時間餵奶, 就唔好買bb 喇, 亦唔好假手家人幫你餵奶, 每日餵奶過程可以培養感情及信任, 如果由家人餵, 就會認人地做主人.