小雲在铜鑼灣寵物醫院睇dr garth （己退休）
醫生說嚇親後腸胃會閔亂，當時要打針食藥，開頭幾日小雲唔肯食嘢，醫生要我每兩小時餵一次藥，半夜也要起身餵，而餵藥同時要餵食小量花生油（他說是在南非動物園工作時用的方法，給病鳥提供高熱量，唔知有冇其他雀友試過，不過似乎好work）
之後餵佢糊仔仍要加花生油，直至佢肯自己食返糧就唔駛再加
果次嚇死我，因在診室我跟醫生說驚小雲吞咗玩具所以塞住腸冇便便，請佢照x－ray，但醫生拒絕，佢話隻雀而家好弱，一照佢會頂唔順會死，我冇諗過會死咁嚴重，忍唔住抱住小雲哇一聲大哭起來
睇完醫生，醫生話如果當晚小雲都唔能夠有番便便，好大機會去彩虹橋
回到家要放佢在行街箱，拆去企棍，只放水和小小糧，蓋布，放安靜地方等佢完全休息，每兩小時餵藥和花生油，每次都期望有便便，每次都沒有，擔心到不得了
好在第二朝5點終於見佢痾咗一督黑色便便
之後覆診了兩次，漸漸康復
果陣初養鸚鵡冇幾耐，真的六神無主，發病那天，早上7時起來，見佢至10時都冇便便已十分擔心，又唔知係咪自己過份敏感和緊張, 馬上帶小雲搭的士去灣仔均記比妹姐睇下，回想起來都好感激妹姐，因雀不是在她的店買的，只是平時常請教她養雀的事情而熟略，她觀察了一陣，便說一定要看醫生， 還陪我一起去看醫生，給了我莫大的支持
忽然想起，當時妹姐教我，鸚鵡在人前是會隱藏病徵的，所以初時小雲看起來是冇乜事，妹姐將佢用企架吊高，讓她高高在上，佢以為冇人睇到佢，我哋躲在一旁觀察，見佢漸漸頭dup dup，冇精神，跟住又裝作精神，頂唔到一陣又冇精神
希望呢d經驗幫到你 |
發表於 2012-4-29 19:09
| 