carolee

幫bb蓋被嘅係我家小寶

話說平日我家的習慣，雀雀食完濕嘅嘢我會先用紙巾同佢哋抺咀，再比張紙巾佢哋自己抺多次抺乾淨個咀仔，乾淨咗先可以再返入籠

小二出生了3天的時候， 一次小寶出來吃東西，但一吃完就琴琴青走返入籠看住bb，於是我便拿一張紙巾揸成一團拋進巢箱裡，跟小寶說，要好好抺乾淨咀仔，不要整烏糟巢箱，之後我便離開他們的房間做其他事情

隔了沒多久，frank在房裡大聲叫我快進來，我以為發生了什麼意外，急忙跑進房間，卻原來小寶把紙巾攤平蓋在bb身上，只露出bb個頭仔，場面真的好難忘，可惜當時bb剛出生， 小寶對相機十分反感，怕嚇到他不知會發生什麼事，不敢拿相機出來拍照

而小雲好喜歡在我床上睡，要蓋被和睡枕頭，以前post過相，等我找到再post和大家分享

carolee

我每天都吃麥皮做早餐，平時如果小雲的房門開住，佢好似聞到味咁，會走出來餐桌找我，好開心咁要食埋一份，如是者好多次之後，我忽然想，佢食呢d人食嘅食物應該唔係咁好，於是有一次躲進廚房吃

但明明佢個房行出來要轉兩個彎先到廚房，應該聞唔到味，但佢居然好似走地雞咁走到來搵我（佢唔知自己可以飛，去邊都係行去，平時唔會自己一個走去廚房），可是佢一見到我自己一個偷偷在吃麥皮，一聲不響，嬲爆爆掉轉頭走返入房，跟住果朝唔啋我