原帖由 yuki 於 2009-7-31 12:05 發表 
我怒啤佢一眼就走咗喇 .. 
對呢種人，怒啤係無用的(經多次多個女性朋友實驗証明)，佢只會扮唔知，扮唔係有心，其實心裡就係蝦D女仔唔敢出聲，因為通常情況佢地都做到好似無心咁
例如搭地鐵，好多人，佢有意無意痴埋黎，貼埋黎，就話好迫.....我試過咁情況，個男人隻手背掂到我PAT PAT，架車會郁架嘛，佢就掂下掂下咁，做到好似無心，咁我當時擰轉頭，好大聲咁問佢：「呀先生，請問你可唔可以唔好痴咁埋呢?因為你隻手掂到我個PAT，我唔想誤會你係博我懵啊!」條友即刻個樣扮到好似係我痴線無啦啦O係度屈佢咁，即刻企開D!!
下次遇到類似情況，不防大聲而有禮貌咁問佢，目的係要有其他人聽到，D人身有屎通常都會唔出聲，不過遇著有D死撐話：「車，你以為自己好靚呀，我駛博你懵」，咁你就要....即刻拎個手機出黎，對住佢開錄影，然後大聲講：「呀先生，我頭先係同你講請你唔好痴咁埋，因為你隻手掂到我x部位，我係話唔想誤會你博我懵，唔係講我覺得自己好靚所以你博我懵!」...記住講果時要理直氣壯，要比佢知道你唔係好好蝦!地鐵上或街上咁多人睇住，唔通佢會打你! |
發表於 2009-7-31 11:42
| 
