去旅行...好擔心!

davy

初二至初八要去台灣(我都唔想去,因為要同親戚去探親), 要帶兩個小朋友俾我家姐照顧,佢地兩個見過我家姐一次架咋!
我知道我家姐好有愛心,會好好幫我照顧,不過我怕佢地兩個以為我唔要佢,會唔開心,甚至咬毛....
好擔心好擔心,好唔捨得好唔捨得....

davy

因為鸚鵡舖頭d人唔會同佢地講野, 唔會同佢地玩,我怕足足7日,活動範圍淨係得個籠!
似坐監多d~
自己人照顧會唔同d,會同佢傾計, 俾生果佢食,有時俾d零食,洗籠會乾淨d, 會留意佢地多d~
我覺得鸚鵡舖頭咁多鸚鵡,入面d人唔會特別照顧我家既小朋友, 基本只會換糧換水洗下籠咁!
我唔想佢地被冷落~

davy

我家姐屋企有窗花, 中型鸚鵡係唔夠位出架,希望佢地唔好咁傻仔照撞啦~haha
而且我係唔會俾我家姐帶佢地出街, 如果真係走雀, 我就會坐監架喇! 因為我一定會推我家姐落樓!

主席:有見及此,我會留你電話俾我家姐, 叫佢如果有咩關於鸚鵡既問題就搵荃灣古天樂!

shadow:係呀!惹左d病返黎就大獲喇~仲要兩隻....諗下都打冷陣!

Jenny:因為今次係探親(老公果邊),所以要成家去晒, 如果唔係就有姑仔幫手,我都唔想由荃灣搬兩個小朋友過官塘, 兩個籠好重, 仲擔心聽日年廿九call唔到車!