本帖最後由 dororozwei 於 2013-4-17 18:49 編輯
自從接收樹友vogar既鸚鵡小灰,宜家小灰黎左我屋企已經有1個幾月了
小灰係vogar係BII鸚鵡店一歲時候買番來既灰鸚鵡
係同vogar買小灰之前,佢已經同我講,小灰有咬毛、唔肯比佢以外既人摸
唔肯上手(連vogar都唔比),果陣時我已經覺得我可能要花唔少時間令佢接受我
剛開始果一段時間,小灰真係好惡,我試探性想摸佢就已經想咬我了
但是萬萬估唔到!短短兩星期,小灰就肯上我手,到俾我摸摸
再後來我仲教了小灰好多表演動作,例如轉圈,投球,伸翅膀投降,握手等等
http://www.youtube.com/watch?v=HNCBoLEkQQw
連vogar都好驚訝,點解佢咁短時間就接受我,仲學識咁多野
小灰從一開始來我屋企,由驚我想咬人,到宜家我一行開籠範圍就會叫我.好似唔想我走咁
真係變左好多。但係唯一冇變既係,佢依然不斷咬毛,我真係諗唔明原因
我日日都有陪小灰玩好耐時間,佢係我屋企仲有三隻雀仔陪佢(八哥,亞歷山大鸚鵡,白頸烏鴉)
籠都有換了更大的俾佢,多左活動空間,亦買了不少玩具
糧食方面買了三款不同牌子糧比佢食,水果都有俾佢,但係小灰仲一直咬毛~_~
我觀察發現小灰咬毛大部分都係夜晚蓋籠布睡覺後,第二朝一拿起布就見到一地毛
平時日頭都有不過就好少咬,唔知究竟係咩原因呢? |
發表於 2013-4-17 18:45
|