[報告]今日去大圍珍禽x獸接生左腫瘤既雞尾

本帖最後由 le_bellmode 於 2013-3-26 22:04 編輯

我代妹豬(生左腫瘤既雞尾)講聲多謝大家關心!!

朝早大圍珍禽x獸打黎講已經抽完血,照完X光
而加等佢醒番,而且未過危險期.....
到中午準備接佢時,佢已經醒左,醫生話佢無訓到氧氣箱,好叻叻
不過,份報告話唔係子宮有問題,而係個肝臟有事
而且係發脹得好嚴重,導致佢拔毛

已經幫佢打左支激素(好似係荷蒙針)
俾左D藥回家食,之後要靠佢自己喇,兩星期後再覆診
如果情況良好就繼續打針食藥,如果情況轉壞就要再抽血同照X光...

所以呢,如果見自己既鸚鵡拔毛,一定有佢原因
要早D睇醫生,否則太遲就救唔倒....
醫生問我地養左幾耐,我地話兩年,係漁農處攞番黎養已經係有拔毛習慣
(之前唔見左隻雞尾,去漁農處搵,錯有錯著以為佢係就攞左番屋企養,
最後連唔見左既雞尾又搵得番)
醫生話佢咁都捱倒兩年已經好叻叻架喇

我亦都相信佢對上果位主人可能嫌棄佢,走去放生,所以俾漁農處執倒
佢好乖又溫柔架,所以全屋企人都好錫佢
一定要快d好番啊!!!而加係自己係度咬紙仔玩緊呢~