家陣我餵奶，會將辦辣椒、西蘭花、番茄、蘋果、熟薯仔等磨欄，再加奶粉餵食。
現只希望他們健康長大。
有點擔心隻朱冠，佢未識食量外，每次餵奶都要好似迫佢咁。。好似厭食。有冇朋友有經驗分享？
廿多年前讀書時跟鸚鵡結緣，還記得有一期明周係張學友同隻葵花，自此深深愛上。。，當時成績好帶住$5000獎學金去雀仔街，先發現唔夠買葵花，印象中個老闆開我$5500，係廿年前的$5500！
十多年前終於買了中葵。個老闆見我左睇右睇，唔知係邊度捉佢出黎話做特價，佢好靚仔，好乖，得6個月，又肯上手。之後就係惡夢的開始。佢換的毛好似營養不良咁，又咬毛，睇醫生戴住罩都照咬至全身無毛，幾年後有一天大叫一聲就去了，我娘親佢都係愛鳥之人足足傷心了幾年(誇張到我同細路都會揶揄佢）。宜家回想個老闆當時熱心的重點特價推介可能是有原因的。。
現在地方大了，希望養兩隻一齊大，第時佢地冇咁悶減少可能的情緒問題。
風中飛鸚主席，你有篇介紹不同品種的文章說朱冠咬毛的機會好似比其他葵花小。但願如此。 |
發表於 2013-4-22 22:45
|