網上資料話喙羽症係高度傳染性，咁其實點解雀街啲雀咁多咁密集，又唔會全條街都係嘅？我知道呢個病係有潛伏期，但點解雀街啲雀嘅發病率又唔係高得咁誇張嘅？
hahalegolas1991 發表於 2012-10-5 08:28 
病發的，冇人會買。最後死左，店主一掉了之，冇人會深究點死，就算係pbfd,都無數字紀錄。
而潛伏期精精神神比人買左返屋企果d,更加令人忽略佢可能係pbfd帶菌。
pbfd令雀最後抵抗力下降感染其他病而死。一般人見一隻養開好地地的雀痾、嘔雀，多數人的聯想方面，多數係歸咎食物、腸胃有事，金屬中毒…多過聯想去pbfd
加上好多人習慣不會第一時間帶雀（尤其平雀）去睇醫生，而在網上坊間徵集民意偏方慣慣試，拖兩拖又亂用藥之下，雀死了，死因推理更複雜，偏離pbfd聯想又更遠，於是又冇數字。
一般人死雀（尤其平雀）都係丟左算數，我估冇乜人會肯再花數倍鳥價，去為一隻愛情鳥屍體去尋求死因。於是又冇數字。
今次pbfd LB 事主入新雀即驗，本來係最正確的做法，亦係最有效的統計基礎。不過，又有幾多人肯以雙倍雀價去為新雀去驗pbfd呢？於是又冇數字。
更有些人驗岀病雀不出聲，立即快快賣出病雀甚至家中全部雀當乜事都發生過。呢d,更加冇數字。
冇驗，就冇個案數字。
以上種種，會唔會係（表面上）雀街啲雀嘅發病紀錄唔係高得咁誇張嘅原因呢？ |
發表於 2012-10-5 00:45
| 