本帖最後由 ngkare 於 2013-2-8 01:47 編輯
上次Lo仔走佬捉番後，主席望住我個行街籠講：「上次走雀嗰個又係哩種籠。」回家後做賽後檢討，發覺個籠都可能有問題，其實Lo仔唔鍾意哩個籠，所以一向用膠行街箱出街，哩個只會在抹大籠時用黎放下佢，今次一用就出事。
出事之籠
以我經驗，鸚鵡出入籠時係走失高危時間，今次Lo仔都係在出籠時飛走，其實我早已驚出事，所以在籠內都用腳鍊，點知都喺除緊扣時中招，事後諗，如果今次用膠籠應該無事，我一向都只開小小門扣腳鍊，因為膠籠道門有重量同向下關，Lo仔想出都會俾道門阻住，但今次個籠係由上面打開，正好俾佢向上飛。
開門方式
所以如果用哩種行街籠嘅雀友要小心呀！至於我，以後情願攞重d，都會用番膠籠！ |
發表於 2013-2-8 01:35
| 