雞尾BB

BBgirl

我今日岩岩係雀街買左隻雞尾BB, 店主話佢廿幾日大, 要餵奶, 我想知道應該幾時先餵佢呢?  佢無叫..  返黎只係掛住訓同咬毛, 係咪即係未餓呢?  佢餓係咪一定會叫呢?　

另外我見佢其中一個ＮＯＳＥ洞有少少水，　無流出黎既，　係咪冷親呢？　我帶佢返黎既時候搭小巴，　唔知會唔會係因為咁冷親？如果係冷親我又應該要點做？　　

感謝指教！

BBgirl

4# louisa20047

BBgirl

4# louisa20047

我屋企無暖燈, 所以尋晚即刻用布包住佢保暖, 之後就發現佢NOSE無左水, 但係都仲唔多肯食奶...

我已經用暖水沖, 佢就肯食兩啖, 但係之後就唔肯食..

佢個素囊...  係咪係心口上少少個咀對落果個位?  我見佢有D脹, 但係就無尋日咁脹.  脹即係代表飽?

對哺BB我係新手, 感謝指教!

BBgirl

葡萄糖?  係咪超市買到果D葡萄糖都得?
即係甜甜地易入口?

奶粉係個店主比我, 可能都係CHEAP野.. 我想買隻好D, 想佢快D大隻@@  請問有無好介紹?

BBgirl

18# LEELO

佢消化左幾多係咪睇佢素囊?

佢素囊唔脹係咪先叫做消化完?

BBgirl

19# legmond

$250

BBgirl

我頭先即刻落街買葡萄糖.  沖左D水比佢試下飲, 即刻好興奮, 跟住混埋D奶佢就食左4ML...  再餵佢已經唔食...  我見佢個素囊都脹.. 就由得佢訓覺, 同佢蓋被... 希望佢好好休息快D好返~  好多謝大家指點!

另外我想問, 佢既CC呈brown既色, 都好多水, 係咪正常呢?  尋晚佢返黎既時候CC係墨綠色條狀... 但係我唔明..  如果店主都係餵果D奶粉, 點解佢既CC會唔同左樣?

BBgirl

38# LEELO


今日都幾好, 雖然都係成日訓, 但係我覺得佢精神過之前

CC就變返一條條..但都係淺brown色, 仲有好多水, 我估係因為我D奶好稀....

但係佢成日見到我行埋佢度就叫, 叫到好似想食野.. 但係我見佢素囊仲係脹...  就無比佢食, 但係佢叫左我頭都痛埋-.-  但係我行開左一陣佢就唔叫, 訓覺~

我依家打算出雀街去買harrison奶粉, 我都想佢快高長大~

BBgirl

想請問一下, 我點樣先知佢病好呢?  佢成日合埋眼訓, 係因為係BB定係因為仲病緊呢?

BBgirl

係我隻雞尾BB病左, 尋晚見住佢係我面前打左3個乞次...  跟住就有nose water, 睇到都心痛....  

尋日勁熱, 趕到出雀街, 發覺好多鋪頭都收左, harrison買唔到, 個老闆介紹左hagen比我.  買左一包試, 唔洗+葡萄糖水都肯食, 仲食成2匙幾 (1匙=小茶匙), 我比較返兩隻奶粉既味, hagen果隻係好味D.  

果個老闆話, 我隻BB傷風要飲傷風水, 咁岩佢賣晒

我想問下除左雀街外, 邊度有傷風水賣?  咩牌子好?  同埋BB咁細個應唔應該食?  我今朝見佢都OK, 無nose water.

BBgirl

  果D原來係抗生素?  咁唔試啦....

佢雖然有nose water, 但係整體我覺得佢都幾精神, 又食到野...  我估細心D照顧佢應該會好返....

BBgirl

雖然我隻LB走失左, 我都update下我隻雞尾BB依家既狀況

佢都係食緊hagen奶粉, 一日都有成4餐, 不過食完就訓, 訓醒就食, 但係佢成日訓, 係BB成日訓定係病我唔係好識分....

把聲開始大聲左D, 唔再係以前蚊之咁細聲.  好chi人.  但係依幾日就比之前食少左, 唔知係咪大個左D呢?  佢個素囊食完都係大, 但係就無以前咁大, 係咪正常?

唉...  已經走失左一隻LB...  希望依隻雞尾BB可以健康成長啦......

BBgirl

好突然, 我的雞尾BB係今晨0425離開了...係我同媽媽既手中離去.  好痛.

我尋晚返到屋企, 發現佢對腳, 變左有D淡紫色, 但係強光照下仍然係粉紅色... 尋晚臨訓前餵佢, 只係食左兩啖就唔肯食, 本來打算今日帶佢去睇醫生, 點知已經等唔到...  

三日內嘗透生離死別.  好痛.