幫佢改左新名叫 “的的” 了∼∼∼∼
今日第一日番屋企，舊主人同我講佢要幾日熟左先會肯上手，
點知我帶佢上車的中途，佢依家自己從企架上無啦啦自己走左上我隻手，
仲不時用頭頂我要我摸佢∼ ：）
但唔知點解番到屋企，初初都仲會主動上我手，但隔一陣，又唔係0個回事，唔係好肯比我摸，仲有點攻擊性添，
所以我都係跟番原本計劃，比佢自己熟習下環境先，唔同佢玩咁多，
只係不停同佢講野∼
我0係間房整緊野時，突然聽到一把女人聲叫“喂∼” ，我當時個心寒一寒，做咩得我一個人，突然屋企有人講野！HAHAHAH！
我要習慣屋企會多左好多唔同嘅聲線會無啦啦出聲，我唔知之前佢學左幾多個人把聲。。HA！
我其他的小朋友對佢好好奇，我隻貓仲坐0係同一個位望住佢望左成半個鐘。。。
當然我暫時唔會比佢地接觸佢住，更加唔會比佢地獨處，
慢慢黎睇下佢地點，等佢地慣D先∼
幫舊主人POST FORUM 0個個女仔同我講，個主人唔係好鍚佢，佢咁大個仔成世就只係企0係個好細嘅位度，
個架又乜都冇，淨係得糧同水，個主人話 “動物咋嘛，駛乜買咁多野比佢地”，
所以連玩具佢都未玩過，糧都淨係識葵瓜子，
我就即刻走左去買玩具同糧比佢，我驚佢食唔慣，所以買左入面都有葵瓜子的雜糧，
點知的的佢揀飲擇食！！！佢掉晒葵瓜子以外嘅糧落地，我D狗食晒 ﹣＿﹣。。。。
玩具方面因為我訂個籠未到，暫時仲係用住舊主人個好細嘅企架，暫時唔夠位掛，
我諗緊有咩位可以暫時比佢玩下先。。
希望的的鐘意新屋企 ：）
|
發表於 2013-10-25 01:11
| 