Mel B &amp; mummy

Rank: 1

2^#

發表於 2014-4-27 18:06 | 顯示全部帖子

係呀，而家重係mini版彩鳳，得四星期多D。好嗲！

Rank: 1

3^#

發表於 2014-5-10 01:33 | 顯示全部帖子

恭喜！恭喜！你啲B真快大！
MelB超嗲，可能係無兄弟姊妹同佢爭，而家重要爸媽餵，其實佢自己識食細粒糧，同吐番D衣出來，但係懶，時時問爸媽攞食，佢爸媽又餵，見佢咁嗲，算啦！
個身肥嘟嘟咁，係可愛，不過只係可以由一枝企棍跳去另一枝到，有拍翼，但唔算飛！早前佢企籠邊，LB出籠晨操時見到佢，一嘢就飛撲過去咬住佢腳趾，損咗小小，而家就更黏實父母，出來玩都無話周圍走，黏實人，最鍾意躲入衫袋同畀我哋按摩。

附件: 您需要登錄才可以下載或查看附件。沒有帳號？註冊

Rank: 1

4^#

發表於 2014-5-10 01:59 | 顯示全部帖子

本帖最後由 Fruity-Minty 於 2014-5-10 02:03 編輯

我將個巢箱門換咗透明膠片，起初雀媽行入去幾次，好唔鍾意咁，出來同雀爸吱吱喳喳，雀爸入去睇來睇去，兩公婆好似睇樓咁，唔知會唔會唔鍾意間屋，唔生呢！

你有無拿走間雀屋呀？

Rank: 1

5^#

發表於 2014-5-10 14:23 | 顯示全部帖子

MelB啲嗲功又來啦！同亞媽一齊打千秋，再加多兩錢嗲功同鍚鍚！
祝大家母親節快樂！

附件: 您需要登錄才可以下載或查看附件。沒有帳號？註冊

Rank: 1

6^#

發表於 2014-6-23 11:01 | 顯示全部帖子

多謝大家關心！

MelB依然好嗲，惡女呀媽被熔化了，連老爸都受益，無畀呀媽哚咁多！一家三口樂也融融。不過就飛得唔叻，飛落就得，飛上就唔得，時時爬上爬落！
而LB五口之家，三隻小惡爺都唔錯，飛得好好，每朝晨操都衝住出籠，一飛就上窗框頂，要用網先可以鎖返入籠！佢哋有隻flatmate，叫Opal（白色底粉藍色身，唔知仔定女）睇吓三仔小惡魔，第時會唔會有隻同Opal生B，又唔知會係乜色呢？

附件: 您需要登錄才可以下載或查看附件。沒有帳號？註冊

Rank: 1

7^#

發表於 2014-6-24 07:01 | 顯示全部帖子

本帖最後由 Fruity-Minty 於 2014-6-24 07:04 編輯

回復 15# wisebudgie

係呀！MelB都試過企籠邊畀Minty(桃面LB)偷襲咬腳，好彩早見到，只係小小傷！我而家有十三隻雀，三隻彩鳳一籠，兩隻桃面同兩隻白面一籠，而六隻費沙仕就一籠。彩鳳呀媽以前好惡又頑固，唔夠打都照打，畀LB打到咀爛，斷腳甲都照打！放晨操時，係得彩鳳媽同LB會出來飯廳飛，彩鳳爸同MelB就唔會主動出來玩，但Fruity同Minty最喜歡去偷襲，自從MelB嗰次試過畀Minty咬，MelB一見LB就叫定先，我就企定側邊趕LB走，做一粒鐘secure！
MelB個鼻D色一時時變，有時紫藍，有時肉色，要等吓先知，不過佢就似老爸咁錫mummy，唔會同其他雀爭！彩鳳女通常倀雞D!

而家呢喥係冬天，而且係雨季，朝早草地都結霜，十三隻雀都住室內；聖誕節假期係夏天，諗緊到時得閒响後院做個大籠畀佢哋，但又驚佢哋打架，分開一籠一籠响後院，又唔係咁好睇，後院其實唔大，又不時有貓走來放底幾兩，所以都係十五，十六，睇係互聯網人哋D設計先！不過放佢哋响花園會易打理D，同佢哋多D地方飛。

Rank: 1

8^#

發表於 2014-6-24 07:31 | 顯示全部帖子

本帖最後由 Fruity-Minty 於 2014-6-24 07:36 編輯

順便介紹吓我班大帝!

好多時型女企中間，左邊咀一吓，右邊又咀一吓，見到都好笑！

附件: 您需要登錄才可以下載或查看附件。沒有帳號？註冊

Rank: 1

9^#

發表於 2014-6-25 17:26 | 顯示全部帖子

如果你跟團來旅行，當然唔會帶你去Pet Shop啦！何況唔係間間Pet Shop有雀賣，又要睇係唔係繁殖期。我多數會去呢間睇：
https://www.facebook.com/#!/page ... ore/141408942584807

我有時會上Auction網 (http://www.trademe.co.nz/pets-animals/birds/birds)睇，雖然話係Auction網，其實都會見到Breeders同Pet Shop响喥，不過唔係真係Auction，只算係一個Ad話响邊有乜雀賣同價錢，有相睇，知道邊喥有自己想要嘅種類，約好時間去睇，好過到時話賣咗，你知啦，分分鐘要駛一粒鐘車去。我買Fruity同Minty時去Far North，來回車程要三個鐘。買Opal時去Hamilton來回四個鐘，個Breeder 場都好大！本來抱住睇唔啱就當一家人去short trip嘅心態，不過我次次都有收穫！呀女已經唔批我買雀啦！

Rank: 1

10^#

發表於 2014-6-26 06:00 | 顯示全部帖子

哦，原來你都係NZ友。係啦，以前我未養雀時，都唔會留意PetShop啲雀section，多數睇貓，狗同魚多。而家就一定入雀section睇。無雀睇都會睇糧同用具。
型女係我第一隻雀，原本係同另外一隻彩鳳仔一對，係作為呀女嘅生日禮物，不過型女太惡，又哚人又哚雀，隻彩鳳仔畀佢嚇到撞門飛走咗！可能型女睇住其他雀入屋，覺得自己先係主場，所以唔怕同佢哋打，自從生咗MelB，佢就收火好多，母性大發卦！

Rank: 1

11^#

發表於 2014-6-27 18:41 | 顯示全部帖子

都想睇吓你D愛鳥，得閒上載D相上來睇睇啦