我的LB亞雀入了大圍醫院

芳姨

大約十幾日前不知亞雀是否比小白打架咬傷,我回到家見亞雀近大腿流血,(即時已分籠隔離),
用雲南白葯替牠止了血後,傷口過了幾日都開始埋口,但可能牠覺得痕,時常咬個傷口,
又流好多血,止了血後,反反覆覆都唔好,

向 LOUIS請教用消毒藥水清潔傷口,又食抗生素,消炎止痕,塗藥膏,
但都是冇好轉,LOUIS教一定要帶罩才可防止牠咬傷口,但我用咭子替牠帶時嚇到暈,

我見吃了十日藥一個療程都未好,而且傷口可能受到感染,傷口範圍赿來赿大,
開始冇胃口吃,便帶牠到大圍醫院,醫生好像叫DR.Zolton,他說要照X光,又要抽血,打針,帶頭罩,
要留醫三日左右,照過X光個沙囊有小小好像金屬物體,可能金屬中毒,要食藥排走毒

連住院醫藥收費大約要 $4000.左右,超貴啊,不過最重要亞雀快些好番,
今日到探病時間去探亞雀,要牠吃多些食物才可快些出院.

近日麻煩咗 LOUIS &飛鷹,啤梨,唔該晒.

芳姨

好多謝各位的祝福,
今日探亞雀的時候,見到亞雀的可憐慘樣,心痛死,
醫生這幾日同牠打針,食藥,搽藥膏,可能牠不習慣帶頸cool,不大食野,
當見到我們比串串粟佢食,便大大口食,我都放心些,
希望佢的傷口快些好番,可以接回家継續食藥,不用在醫院担驚受怕啦,

原來小小受傷流血,都可以由傷口感染細菌,傷口範圍擴大到好嚴重的,
不能掉以輕心啊.

芳姨

ZOLTAN 都ok 架.....歐洲來的鳥醫
佢有係歐洲出有關雀鳥的學術文章......
Cozzy 發表於 2010-9-28 13:28

好多謝你告知,DR.ZOLTON 原來是一位匃牙利人,解釋都算詳盡,有耐心,有愛心,
希望他能醫好我雀雀啦.

芳姨

財散人安樂.
金莎朱古力 發表於 2010-9-28 15:13

是啊,錢能醫好我的雀,我都可以安心,(雖然肉痛).
多謝你們的祝福.

芳姨

今早醫生再替亞雀照x光睇下佢沙囊內的金屬物體掛走未,
照過都仲有未清,不過精神ok,都可以帶牠回家継續食藥,

原本亞雀是食了在厨房擋油煙的錫箔紙,而引致中金屬毒,身痕常咬傷口,
因我放雀玩時牠們好鍾意飛入厨房玩,周圍咬野,
以後放雀都要睇實,免生危險.

芳姨

亞雀的慘樣

芳姨

多謝咁多位雀友的祝福&關懷,
我已接了亞雀回家照顧,連醫藥費共 $5600幾,
我不敢比老公知咁貴, 只呃佢話 千幾元呀,唔係比老公閙屎,
只要亞雀冇事,貴都唔緊要啦,

現在每天都要餵藥,希望亞雀身體快些復原.

衷心多謝各位的關心,尤其是雀友妹仔之家 Daisy,每日都同我探亞雀,辛苦晒.

芳姨

回家就好了~
分開下唔好再被打親啦~~
layer 發表於 2010-9-30 12:09

多謝你的祝福,
自從受傷後已分籠休養了.
不過都唔知是否打架咬傷定佢身痕咬到流血.