此情只可成追憶 (亞雀走了)

芳姨

遺下老婆同四個子女,
都是我的錯,對唔住呀,
亞雀大約半年前因放玩時吃了鍚紙中毒,而令到身痕,
不停咬到流血,入了大圍醫院,醫了差不多兩個月才好番,
樹樹7週年我都有帶牠們一家六口去聚會,

但近這兩月又再身痕,而且尾巴附近又紅又腫,
帶牠睇醫生後要吃藥,搽藥膏,
前後用了差不多一萬元醫牠,我都不覺心痛,
但都是時好時壞,一定要帶頭罩,

但今次亞雀不是病死,是跌落馬桶浸死的,
錐心之痛,

因我放雀出來玩時,每次都關好門窗,抽氣扇等,
今次忘記關厕所門,可能亞雀因身痕,時常都想沖涼,
見到馬桶有水便走去沖涼,因有頭罩阻礙飛不起來浸死,
對唔住亞雀,請原諒我這個不稱職的主人,
希望你在彩虹橋會快快樂樂.

芳姨

好感謝各位的安慰,
亞雀雖然走咗已五日了,但現在一想起依然哭,
我已將牠埋在門口大花盆內,每天都可陪住佢,

亞雀是7年前在雀街 $80買回來陪另一隻雀雀的,
現在的老婆是小白,一起年幾了,

7年都不算太老,可能近一年來,同老婆小白孵了四隻雀B,
心力交瘁,身體抗力弱,

亞雀是一隻好鍚子女的雀爸,盡心盡力餵養大四隻小B,
現在四隻B一起玩,小白時時都在叫,想搵亞雀,
見到也心痛,希望遲些會忘記亞雀啦.

多謝各位的關心.

芳姨

再次多謝各位雀友的關心&慰問,
但想深一層,其實亞雀的離開是解脫,

因近這兩月來,又要睇醫生,照X光,驗種菌,
又要食藥,搽藥膏,又要帶頭罩,真辛苦,
每次見我拿針筒餵藥便驚,見到都心痛,

今次意外的離開,是我的錯,
希望亞雀在彩虹橋快快樂樂,冇病冇痛的生活.