芳姨

唔見咗雀雀已經差不多十天了,都未有消息,我想尋回的機會好渺茫,
明天继續貼街招,希望有人知道雀雀的下落.

芳姨

好多謝你們的祝福&鼓勵,我同妹仔之家明天又去貼街招尋雀啊,
manman 多 謝你同你表哥替我搵雀啊,辛苦你們要逐層樓拍門搵,
你們搵是邊層呀?我們在美桃樓已試過逐層拍門搵啦,但都沒發現,

芳姨

昨日收到個電話,冇來電顯示,聽聲音應該是一班頑童,話隻雀在美林邨後面條小河度執到,問有多少報酬,
他說要500元,經討價還價之後,我說200元,
但這班頑童一時又話飛咗,一時又話攞咗去荃灣,比佢地玩咗一輪,
我覺得都未必是真係執咗隻雀,之後佢地不停打電話來玩,我就不接聽,
唉!如果雀雀真係落在啲頑童手上就凶多吉少啊,
希望雀雀吉雀天相啊.

芳姨

我都覺得約咗出來，睇吓是否你隻愛雀先，之後再同佢傾報酬。sorry呀 ！芳姨我幫唔到你搵返LB，其實我唔係尊登入沙田呀，只不過暑假我D仔女去咗我表哥home，我去探D仔女，順便幫你& ...
manman 發表於 2009-8-30 12:36

因我覺得個班頑童是玩多,佢留比我的電話聯絡是假的,所以我冇再理佢,
manman 你唔駛sorry呀,其實我要多謝你才真,辛苦你替我搵雀,
點會諗你有企圖呢.唔該晒你們啊.

芳姨

雀雀飛走咗已十幾日了,搵番的機會真是微乎其微,又可能已經被班頑童玩死咗,
在這十幾天來一直不斷自責,是我所托一個不懂養雀的人,令到雀雀飛走在外面流離失所,風吹雨打,担驚受怕,
雀雀已經老了,我不能養到佢終老,是我對不起雀雀.

芳姨

好多謝各位雀友的祝福,雀雀飛走咗一個月終於有消息啦,不過亦是壞消息,(執咗雀雀嘅亞伯話唔會比番我,)
多謝妹仔之家貼街招時有個亞伯現身告之,
原來走雀個段時間早上,有個亞伯兩夫婦晨運完經過美桃樓樓下一個小公園地下執到我雀雀,但等咗好耐都唔見有人搵雀,於是帶咗返屋企,本身佢都有養一對愛情鳥,死了一隻現剩下一隻女,亞伯見我隻雀雀同佢隻女好夾又好開心,佢家人好鍚雀雀,唔想比番我,叫我放心,雀雀現在重多咗個老婆添,
佢唔肯講住邊座同留電話我,又唔想我見一下雀雀,佢驚我會攞番雀雀,
唉!都唔知係好消息定壞消息,我以後都見唔到我雀雀,但都好,知道雀雀現在好好,算啦.
尋雀的路要結束了,好多謝妹仔之家的幚忙.

芳姨

知道雀雀有著落都好啦,不過屋企剩下個隻就好孤單,每日對住塊鏡反芻,悶悶不樂,考慮搵番隻陪佢.

芳姨

manman ,唔好講唔好意思啦,其實我要多謝你就真,辛苦你啊.
多謝各位雀友的祝福與關懷,以後不用掛心了, Thank you,Thank you.

芳姨

芳姨 :
如果妳怕依家隻雀雀悶,請問妳想唔想佢試吓同我隻lb一齊,睇吓夾唔夾?
我嗰隻就係頭像白色依隻.若果妳想試吓,我可以帶佢去妳屋企,或者妳過嚟我度.
妳考慮吓丫+:三八萌 ...
王斯拉 發表於 2009-8-23 20:31

王斯拉,我現在隻LB個頭出了好多針毛,又冇雀同佢R毛,一隻雀悶悶不樂,
我想試下借你隻小白陪下佢同佢R下毛,呢個請求,唔知可唔可以呢?麻煩你啊.