jennymok

認同唔用防咬毛頸圈! 試想想如果自己唔開心到要

jennymok

認同唔用防咬毛頸圈! 試想想如果自己唔開心到要界手自殘嚟發洩, 父母重用一個大鎖去鎖起自己雙手, 我諗我只會更發狂地想去解咗把鎖去發洩不滿。 我朋友隻灰鸚之前咬毛, 跟住就帶咗佢去大圍上頸圈, 嗰晚隻雀crazy咗, 第二日即刻返診所除, 但隻雀之後咬得仲快、仲狠, 嚴重咗。
如果係因為身體有毛病而咬毛, 就只有醫生先幫到手。如果係心理上嘅問題而咬毛, 主人成曰會覺得佢地係唔係悶呀、無玩具玩或唔夠野食, 因我地只係從自己個角度去睇(環境上响籠嘅前面及上面睇, 感覺上估佢悶因為我地都怕悶)。
其實我地可以試下蹲低响佢地支企棍旁向外望, 即佢地望主人同個廳嘅方向, 我地會睇到佢地睇到嘅世界, 因而可以察覺到咬毛係唔係因為四周環境上嘅轉變, 而我地一直都無留意到。